TIME flies so fast. Imagine? Apat na buwan na silang mag-asawa ni Greyson. At sa loob ng buwan na iyon ay lalo lang nilang napatunayan sa isa't isa iyong pagmamahalan nilang dalawa. At siyempre, iyong tiwala nila kahit na long distance relationship silang dalawa. Na-survive din nila ang ganoong klaseng set-up ng relasyon. Mabuti na lang at may private plane ang asawa dahil kapag ginusto nito ay makakapunta ito sa Singapore para makasama siya. At kung minsan ay pinapasundo siya nito para magbakasyon din sa Pilipinas para makasama din ito.
At ngayong araw ay weekend. Araw ng balik ng asawa. At tumawag ito sa kanya kagabi para ipaalam iyon sa kanya. Kaya nagpi-prepare siya ngayon.
Niluto niya ang lahat ng paborito nitong pagkain. Inayos din niya ang kusina. Nagsindi siya ng scented candle
