PINUNASAN ni Zoey ang luhang pumatak sa kanyang mata habang nakatitig siya sa anak na mahimbing na natutulog sa ospital bed. Para din may malaking kamay ang sumasakal sa dibdib niya nang makitang may mga aparatung nakakabit sa katawan nito sa sandaling. Naawa siya sa kalagayan ng anak. Kung pwede nga lang ay makipagpalit siya ng pwesto, gagawin niya. Kung pwede nga lang na siya ang magkasakit, huwag lang ito.
Mayamaya ay inalis ni Zoey ang tingin dito at inilipat niya iyon sa gawi ng pinto ng maramdamang bumukas iyon. At nakita niyang pumasok do'n si Doc Trevor.
Kilala ni Zoey ang Doctor na tumingin sa anak niya. Kaibigan ito ni Greyson at witness din sa kasal nila.
Nang makita nga siya nito sa ER pagkarating nila sa ospital ay napansin niya ang gulat na bumalatay sa mga mata nito. M
