MAAGANG nagising si Zoey kinabukasan. Nang matapos siyang magmumog at maghilamos ay lumabas na siya ng tinutuluyang kwarto. Pagkalabas ay hindi niya napigilan ang mapatitig sa nakasarang pinto ng kwarto ni Greyson. Mukhang tulog pa ito dahil wala siyang naririnig na kaluskos mula do'n. Saglit pa siyang nakatitig sa pinto hanggang sa i-alis niya ang tingin do'n at nagpatuloy na siya sa paglalakad patungo sa kusina.
Magluluto kasi si Zoey ng breakfast. Lulutuan din niya ang ang anak ng pancake na dadalhin niya sa anak pagkaalis ni Greyson para pumasok sa trabaho.
Nasa condo niya kasi si Zeus at kasama nito ang kinuha niyang nanny. Mapagkakatiwalaan naman ni Zoey ang nanny na nakuha niya dahil personal itong nirekomenda ni Samantha. Kakilala kasi ng kaibibigan ang babae, at sa pagkakaalam
