SUMILAY ang matamis na ngiti sa labi ni Zoey nang mamataan niya ang Tita niya habang hawak-hawak nito sa kamay ang anak niyang si Zeus na naglalakad sa arriving area ng Airport. Ngayong araw kasi ang dating ng mga ito sa Pilipinas galing sa Singapore. Personal pa niyang sinundo ang dalawa. Hindi naman na siya nagpaalam kay Greyson ng umalis siya ng bahay. Wala naman kasi do'n. Busy na naman ito sa opisina. Wala na yata itong ginawa kundi mag-trabaho nang mag-trabaho. Maaga na nga itong umaalis, gabi na din ito kung umuwi. Okay lang naman iyon sa kanya. At least hindi niya ito nakikita.
Ipinilig na lang ni Zoey ang ulo para maalis ito sa isip niya at itinuon na lang ang atensiyon sa dalawa.
Mayamaya ay itinaas naman ni Zoey ang kamay para kumaway at kunin ang atensiyon ng Tita niya. "Ti
