"BABE, wake up..."
Naalimpungatan si Zoey ng marinig niya ang boses na iyon ni Greyson na gumigising sa kanya. Naramdaman din niya ang mahinang pagyugyog nito sa balikat niya. "Wake up. .."
Kinusot-kusot naman niya ang mga mata. Pagkatapos niyon ay dahan-dahan niya iyon iminulat. At agad na tumuon ang tingin niya kay Greyson na nakatunghay sa kanya.
"Hmm?" groggy ang boses na wika niya dito ng magtama ang mga mata nila.
"Your father is calling you. Kanina pa tunog nang tunog ang cellphone mo," imporma nito sa kanya.
"Oh," sambit naman niya. Pagkatapos niyon ay tumingin siya sa kanyang cellphone na nakalapag sa bedside table.
"Call back ka na lang. Baka may importante silang sasabihin sa 'yo," wika nito sa kanya ng ibalik niya ang tingin dito. Pagkatapos niyon ay yumuko ito para
