NANG makita ni Zoey na mahimbing na sa pagkakatulog ang anak sa kanilang kama ay dumukwang siya para halikan ito sa noo. Inayos din niya ang kumot nito bago siya tumayo mula sa pagkakaupo niya sa gilid ng kama.
Nagpapasalamat si Zoey sa panginoon dahil nakalabas na sa ospital ang anak niya. Halos apat na araw din silang na-confine sa ospital bago sila na-discharge. At umuwi na sila sa condo para do'n na ito tuluyang makabawi ng lakas nito.
Saglit pa siyang nakatitig kay Zeus bago siya tumalikod at lumabas na ng kwarto. Bahagya pang nagulat si Zoey ng pagkalabas niya ay nakita niya si Greyson na nakasandal sa pader sa tabi ng pinto ng kwarto. Nakita niyang nakapikit ang mga mata nito. Akala niya ay umalis na ito ng ihatid sila nito sa condo ng mag-presenta ito. Naroon pa din pala si Gre
