[MELLO IXEN’S P.O.V.]
Nang makita ko ang letrang G ay may pumasok na agad sa isipan ko kung kanino ‘yon galing. Nagbabalik na ba ang mga Griffin? Hindi pa ako sigurado kung sa kanila ba talaga galing ang mensahe na ‘to. Hindi ko alam kung ano ang gagawin ko. Dapat ko ba itong sabihin kay Mom o hindi?
“Ano bang mensahe ang sinasabi ninyo?” narinig ko pa na tanong ni Ashleigh. Nangunot muli ang noo ko at kinuha ko ang phone na hawak niya. Tiningnan ko sa dulo ng video kung may mensahe na nakalagay sa kaniya, ngunit wala akong nakita.
“Kumuha kayo ng dalawang cell phones mula sa ibang mga estudyante. Dali!” utos ko agad. Mabilis naman na sumunod sina Ace at Lowell. “Bakit, Ixen? May problema ba?” tanong pa sa akin ni Mearl pero ‘di ko siya pinansin.
Iniabot sa akin nina Ace at Lowell
