EPISODE 35
I WILL WAIT FOR YOU
OLIVIA NOELLE’S POINT OF VIEW.
May nangyari sa aming dalawa ni Cole. Totoo ba talaga iyon or panaginip lang?
“Good morning.”
Mabilis akong napamulat sa aking mga mata nang marinig ko ang boses na iyon malapit sa aking tainga. Naramdaman kong may nakayakap sa akin galing sa likuran at nang humarap ako rito ay nakita ko si Cole na nakangiti sa akin at magulo ang kanyang mahabang buhok. Napakurap ako sa aking mga mata at kinusot ko rin ito upang masiguro kung totoo ba ang na nasa aking tabi si Cole o panaginip ko lang.
“I’m real, Elle,” natatawa niyang sabi at bahagyang kinurot ang aking pisngi.
Napakurap naman ako sa aking mga mata. Inangat ko ang aking kamay at hinaplos ko ang kanyang pisngi at hinawakan ko rin ang malambot niyang labi. Natigilan naman
