(كان اسمه حبيبى)

الفصل الرابع عشر

(14

صل على شفيع الامة

...على مائدة الافطار

..جلس احمد كالعادة على راس الطاولة وعلى يمينه والدته وعلى يساره ولاء ونيار بينما كرسي روان مازال فارغا

سمية ..امال فين عروستك يااحمد مجتش تفطر معانا ليه ؟

احمد ببرود . كانت لسه نايمة لما نز لت

..ولاء وهى تطعم صغيرها لقمة اخرى

شكلها خوم نوم

سمية ..لا مايصحش اطلعى يام سليم صحيها عشان تنزل تفطر معانا. وانت يااحمد بعد كده تتعود متنزلش الا ومراتك فى ايدك

ولاء ..وتطلع تناديها ليه ان شاء الله لو كانت عايزة تنزل كانت نزلت لوحدها

..يابنتى مايصحش كده هى تلاقيها م**وفة عشان لسه مخدتش علينا هتعملى عليها حما من دلوقتى

..احمد بحزم.. دى مش ضيفة ياامى دى مراتى يعنى بقت فرد من افراد البيت ده ولازم تحترمه

وتمشى على نظامه وتتعامل على الاساس ده

مسح يده بمنديل الطعام

_انا رايح الشركة لو عوزتوا حاجة ابقوا كلمونى

سميه..ام سليم ياام سليم

_ايوة ياهانم

جهزى صينية وحطى عليها فطار وطلعيها لمدام روان

..ولاء بتذمر ...مينفعش ياماما الدلع ده واظنك سمعتى احمد قال ايه

.بس يابت انتى انا هنا اعمل اللى انا عايزاه ومحدش يدخل.

______________________

.

..عاملة ايه ياحبيبتى مبسوطة مع جوزك

..الحمد لله ياماما .وبابا عامل ايه لسه زعلان منى ولا خلاص رضى عنى

..متشغليش بالك انتى بابوكى والله مافى اطيب منه

هو بس حمقى شوية .هو انا اللى هعرفك عليه يابت ولا ايه .

.خلى بالك انتى بس من جوزك شكله جدع طيب وابن حلال و انسي اى حاجة يابنتى حصلت فى الماضى واخلصى لجوزك وحطيه فى عينيكى هو اللى باقيلك ياعين امك

...اطمنى ياماما ومتقلقيش علينا

..طب ياحبيبتى ابقى كلمينى طمنينى عليكى اشوفك على خير .سلام

_سلام

طرقت سميه باب الغرفة ثم دلفت بعد ان سمحت لها روان بالدخول

...صباح الخير على عروستنا الحلوة

.صباح النور ياطنط

.امتعضت سميه من كلمة طنط ولكنها لم ترد ان تضغط عليها لتناديها امى فعندما تحسها ستنطقها بمفردها

..ايه ياحبيبتى منزلتيش تفطرى معانا ليه اوعى تكونى م**وفة مننا احنا بقينا اهلك وانتى وربنا يعلم من اول ما شوفتك وانا اعتبرتك بنتى مش مرات ابنى وبتمنى تعتبرينى زى والدتك

..اكيد طبعا ياطنط

.

..طرقت ام سليم الباب

.سمية..ادخلى ياام سليم وحطى الصينية عندك

..سمية.اظن مش هت**فينى وهتخلصى الصينية دى كلها ومتقوليش ماليش نفس انتى مكلتيش حاجة من عشا ليلة امبارح .

_حاضر ياطنط عشان خاطرك هاكل

ربتت سمية على شعرها

_وبعدين حبيبتى ده بقى بيتك يعنى اتحركى فيه براحتك

متفضليش حابسة نفسك فى اوضتك كده . انزلى اقعدى معانا نرغى سوا .نتف*ج على التليفزيون او اطلعى الجنينة اتمشى شوية احنا عندنا هنا زهور نادرة مش هتلاقيها فى اى حته تانية وكمان فى ضهر الفيلا حمام سباحة هيعجبك اوى

_

شعرت روان بالالفة تجاه تلك السيدة اللطيفة الطيبة

فهى نفس حنان والدتها ورقتها

._طيب اسيبك انا تاكلى براحتك وهستناكى تيجى تقعدى معايا انا وولاء تحت

..امات لها روان مع ابتسامة ودودة ممتنة

حاضر يا طنط

..

___________________________

فى الشركة

بكر _ حد بردو يسيب العروسة يوم الصابحية وينزل الشغل .اوعى تكون طلعت قطة ومشرف*ناش

ظفر بقوة عقب تنهيدة حارة _ملمستهاش

_ليه كده يا احمد ؟ دى بقت مراتك خلاص

ازاى عايزنى المسها وانا شايف سيف اخويا لسه جوا عينيها . ازاى عايزنى افرض نفسي على واحدة انا عارف ومتاكد انها اتجبرت عليا

_بس خلاص اللى حصل حصل يا احمد وبقت مراتك وانت قلت انك حسيتها بريئة

..بس ده مينفيش انها غلطت....مينفيش استهتارها وكذبها على اهلها

والاهم مينفيش ان قلبها دق لحد قبلى

.طب قبلت تتجوزها ليه بس يااحمد انت غاوى تعذب نفسك .تبقى قدامك مراتك حلالك وانت مانع نفسك عنها

-متفكرنيش .ده انا منمتش طول الليل لا وامى كمان راحت حجزتلنا اسبوعين عسل فى شرم الشيخ .

_هههه واللهى الست الوالدة دى بتفهم .عايزة تدلعك ياباشا وتشوف احفادها بسرعة وتلعب معاهم

_اضحك اضحك لك يوم

_طب ماتديها فرصة يااحمد. حرام عليك البنت تاخد لقب مطلقة وهى لسه صغيرة

_عايزنى اعمل ايه يعنى اسلم روحى وقلبى من جديد لواحدة تلعب ببمشاعرى وبكرامتى .انا خلاص معدتش عندى ثقة فى اى واحدة ولولا ان اديت وعد لعمرو اخوها انا لا كنت اتجوزتها ولا اتجوزت غيرها لانى صدقنى قلبى مبقاش مستحمل جرح جديد

ربت بكر على كتفه

..صوابعك مش زى بعضها يااحمد وزى مافى الوحش فى الحلو وانا قلبى حاسس انها مظلومة ..سيف ده اصلا شيطان

.نظره قوية من احمد جعلته يبتلع باقية حديثه

.بكر ياريت متنساش انها بقت مراتى ومكتوبة على اسمى متخلنيش اندم انى حكتلك حاجة

..خلاص ياعم فى ايه متقفش كده انتم مسافرين امتى

.

_ بكرة الصبح .

طب كنت خليك النهاردة فى البيت الناس تقول ايه عليكم وانت سايب العروسة كده تانى يوم الجواز

.انت ناسى ان عندنا اجتماع مهم بعد شوية عشان المشروع الجديد مع ا****عة الطليان

_ماكنا اجلناه ياسيدى ولا كنت حضرته انا لوحدى ولا معندكش ثقة فيا

اخص عليك يابكر ازاى تقول كده .هو مين بيدير الشغل فى غيابى لما بكون مسافر .بس انا عايزها تتعود من ااولها ان شغلى رقم واحد فى حياتى

_حقه لو الشراكة دى تمت يااحمد هتنقلنا نقله تانية خالص هنبقى على مستوى عالمى .

.ان شاء الله .يعنى هيلاقوا احسن مننا فين سمعتنا ومصداقيتنا معروفة للسوق كله

بعد مرور ساعتين

.انتهى الاجتماع وتمت الشراكة بنجاح

بكر بسعادة .الحمد لله شكل العروسة الجديدة دى وشها وش خير عليك يااحمد

.ياعم انت بتصدق فى الكلام ده

..طبعا بصدق .الجواز ده يابنى ق*ف والست اللى معاك ياتطلعك فوق ياتخسف بيك الارض وانت ونصيبك بقى .المهم احنا لازم نحتفل ونعزم الناس دى على سهرة حلوة خليهم يشوفوا كرم وجدعنة المصريين

.تمام رتب انت كل حاجة على ما رجع من السفر

________________________

خرجت للتجول بالحديقة وكانت بالفعل جميلة وذات مساحة شاسعة ومليئة بالازهار والورود النادرة ذات الالوان الزاهية وهناك جانب تمت زراعة بعض الخضروات والفاكهة به.وشجرتين كبيرتين بينهم ارجوحة مغطاة اعجبتها كثيرا

سارت قليلا حتى وجدت

مكان مغطى بالخلف حين اقتربت منه علمت انه حمام سباحة.....وكان احلامها وهى طفلة صغيرة تتحقق امام عينيها

فقد كانت تحلم

ان يكون لديها يت واسع به حديقة غناء وارجوحة وحمام سباحة وستستمتع بهذا الجمال طالما هى هنا

رات نيار يلهو مع كلبه .فاقتربت منهم

_ ..الله حلو اوى الكلب ده يانيار

مسحت على ظهره وجلست الق*فصاء بجانبه _اسمك ايه ياحلو انت

..نيار .اسمه ري** جيرمن .خالو جابهولى عشان يلعب معايا ويسلينى بس ماما مش عايزانى ادخله جوا عشان ميعملش بيبى على الارض

.. طب ماحنا ممكن نعلمه و نخصصله مكان يعمل فيه كده ووقت مايبقى عايز يعمل بيبى

هيطلع برا من نفسه او هيعرفك بطريقة احنا نعلمهاله

..بجد ياطنط .طب قولى لماما بقى ولا اقولك اقترب من اذنها و بصوت خفيض انتى اقنعى خالو وهى مش هتقدر تقوله لا

_ههههه هههه ماشى هقنعه بس بلاش تقولى طنط دى انا مش كبيرة اوى كده

..يانوغة كان هذا صوت ولاء

.اسمعى يااا . ..اسمك روان صح انا مربية ابنى بطريقة معينة ومنها انه يحترم اللى اكبر منه فياريت متبوظيهاش والاحسن متقربيش منه خالص

روان بحزن _

انا مش عارفة انا عملتلك اية عشان من وقت ماشوفتينى وانتى مش طيقانى وبتبصيلى بق*ف

. على فكرة انا كنت لسه هقوله يقولى ابلة روان بدل طنط ولو مش عايزانى ااقرب منه خالص تمام من حقك. .بعد اذنك

..ليه كده ياماما دى لطيفة اوى وبتحب ري** وري** كمان حبها .مش كده ياري**

ولاء ..طيب يله انجر قدامى على جوا واربط الزفت ده فى اى حته ..ولنفسها .فاكرة نفسها هتبقى ست البيت وتؤمر وتتحكم ده بوعدها

_________________________

خرجت من الحمام بعد ان تحممت وهى تجفف شعرها الطويل بالمنشفة غير منتبهة للجالسة تنظر اليها بحقد وغل كبيران لتشهق بخضة بعد ان راتها فى المرآه

..انتى مين؟ وازاى تدخلى هنا من غير استأذان

ضحكت ببرود.. وهى تقترب منها وتلمس شعرها الرطب

..لا والله طلعتى بضاعة حلوة و تستاهل .بس لازم تعرفى ان اخرك معاه يومين تلاتة بالكتير وهيرجعلى تانى لانى انا الحب الحقيقى والوحيد فى حياته

اشارت لها روان للخارج ..لو سمحتى اتفضلى برا

..ضحكت باستفزاز

..والله عال بطردينى من اوضتى اللى فرشاها على ذوقى والبيت اللى عيشت طول عمرى اتمنى ادخله

. صاح.احمد بغضب من خلفها

انتى ايه اللى جابك هنا ؟ وازاى جتلك الجراءة انك تدخلى لحد اوضة نومى

نانسى ببجاحة . تقصد اوضتنا مش دى بردو الاوضة اللى كنا هنتجوز فيها واللى انا نقيت كل حاجة فيها على ذوقى

نظرت بغضب الى روان وهى تشير لمحتويات الغرفة

ده حتى مهنش عليه يجبلك اوضة نوم جديده عايزة دليل ايه اكتر من كده انه لسه بيحبنى

هيكون معاكى بجسمه بس قلبه وتفكيره كله معايا انا لانى انا حبه الحقيقى

احمد بعصبية وهو يرفع يده ليصفعها ولكن روان وقفت حائل بينهم .اخرسى بقى انتى ايه مبتحسيش

..جذبها من يدها وهو يدفعها خارج الغرفة

وبغضب شديد ..اطلعى برا واياكى تقربى منى او من اى حد يخصنى .فاهمة انا لغاية دلوقتى بتعامل معاكى بالحسنى اللى الواضح ان امثالك ميستحقوهاش

..التفتت اليه تمسك يده وتستعطفه

.انا بحبك ياحمد واللهى العظيم بحبك انا عارفة انى غلطت وانك اتجوزتها عشان تنتقم منى وتذلنى

وانا معنديش مانع والله

خليها فى حياتك اتمتع بيها زى مانت عايز بس كومت وجهه بين كفيها وبنبرة شغوفة

_بس الحب يبقى ليا انا انا وبس

كانت روان تنظر اليهم بذهول لا تدرى ماذا تفعل اوماذا تقول .وادركت ان هذه الفتاة لها ماضى مع زوجها وربما ليس ماضى ويعشقها حتى الان والا لما رفض ان يقربها وهى زوجته حلاله

اصابتها غصة قوية عند التفكير بذلك فهو لا يعتبرها زوجة انما مجرد بيد ق انتقام يحركه كيفما شاء وربما هذا هو السبب الحقيقى لزواجه منها بهذه السرعة .وهو لا يعرفها ورغم علمه بوجود ماضى لها مع اخيه

.احمد بحدة ..تمتعنى ايه يا سافلة فكراها زيك دى مراتى مش واحدة شمال جايبها من الشارع ولما تتكلمى عليها تتكلمى عليها باحترام .فاهمة

جرها بالرواق الطويل خلفه حتى الدرج الذى تعثرت به اكثر من مرة لتلاحق خطواته الكبيرة نانسي متوسلة

_براحة يااحمد . عمرك ماكنت قاسي عليا كده

قالتها بوهن ليردف بقوة وهو يدفعها

بالبهو امامه لتقع على الارض

.

._هى. دى المعاملة اللى امثالك يستحقوها

وهو ده مكانك الطبيعى على الارض تحت جزمتى

ركضت والدته وشقيقته اليهم عندما سمعا الجلبة

..فى ايه يااحمد؟

احمد بحدة.انا مش قلت الزبالة دى متدخلش بيتى تانى ااقوم الاقيهاوصلت لحد اوضة نومى كمان ايه مفيش زفت خدم وناس عايشين فى ام البيت ده

ولاء بتوتر وتلعثم

.ان ا دخ لتها الصالون ورحت اعملها حاجةتشربها رجعت ملقتهاش افتكرتها اتضايقت ومشيت لما عرفت انك اتجوزت

.ماشى حسابك معايا بعدين .

جذب نانسي من ذراعها مرة اخرى لتنهض ثم دفعها لخارج الفيلا وهى تبكى بشدة

ذهبت سمية خلفة بينما روان فى الاعلى ترتعد فرائصها خوفا وهى تخشى من اغضابه فى المستقبل فمن الواضح ان غضبه مخيف

سميه ..مش كده يااحمد دى مش اخلاقك ياحبيبى

..لا الاشكال دى ماينفعش معاها الا كده انا حذرتها اكتر من مرة وهى مبتحسش دفعها امام البوابة الخارجية

.حسك عينك اشوفك فى بيتى او اى مكان انا فيه .وجه حدثه للحارس وانت اياك تغلط غلطة زى دى تانى والا تعتبر نفسك مرفود

الحارس بخوف ..انا اسف يا احمد بيه الست ولاء هى

احمد بحده .خلاص خلصنا

وقفت بالغرفة تطلع حولها بشرود لم تعد تطيق هذه الغرفة بعدما علمت ان حبيبته هى من اختارت اثاثها اهى رخيصة لديه الى هذا الحد حتى لم يكلف نفسه عناء شراء غرفة جديدة لها ليدخل عليها فجاه قاطعا شرودها وكانه علم ما تفكر به

..انا طلبت من امى تغير عفش الاوضة على ما نرجع من السفر ان شاء الله هتكون جاهزة ..كان لازم اعمل كده من الاول بس انتى عارفة كل حاجة جت بسرعة ومكنش فى وقت

تن*دت بامتنان شاكرة له هذه اللفتة

..

وقبل ان يخرج من الغرفة التفت اليها

متصدقيش اى حاجة قلتهالك دى حكاية قديمة وخلصت خلاص

______________________

..

تصفح بهاتفه النقال وهى يضجع على فراشه حتى استوقفه خبر نشر على جميع مواقع التواصل الاجتماعى

زواج رجل الاعمال والمهندس الشهير احمد سويلم من الانسه روان عنانى طالبة بالفرقة الاولى بالجامعة الامريكية اول امس انتفض من مرقده بصدمة

معقول احمد يتجوز روان طب ليه ؟وازاى ؟

الجمته الصدمة لبعض الوقت حتى استجمع نفسه

_طب وانا مضايق نفسى ليه خليه يشرب ده حتى بت شمال..اردف بحقد

يستاهل عشان يبطل يعيشلى فى دور البطل ثم ابتسم بمكر هموت واشوف نظرة عينيه لما اوريله صورها وفيديوهاتها اللى عندى ?? ويعرف انى اللى تانى مرة بض*به على قفاه?

_________________________