الفصل الخامس

2763 Words

بسم الله الذى لايضر مع اسمه شى فى الارض ولا فى السماء وهو السميع العليم الفصل الخامس (كان اسمه حبيبى) _بحبك ياسيف? وهنا صفق الجميع لهم وعادت الاضواء مرة اخرى للسطوع وضعت كفيها على وجهها بخجل وقد ادركت ما تفوهت به على مراى ومسمع من الجميع حتى تقدم منها سيف وازال يدها عن وجهها وقبلها وسط تصفيق الجميع لهم وتمنياتهم بالسعادة والتوفيق اخرجت له علبه قطيفة من حقيبتها _كل سنة وانت طيب عقبال المية وانت فى صحة وسعادة ..متشكر ياقلبى بس مكنش فى لزوم تتعبى نفسى مجيتك ليا كفاية عندى _لا ازاى افتحها وشوف اذا كان ذوقى يعجبك ولا لا فتح العلبة ليجد بداخلها ساعة فخمة ..حلوة اوى يا روان بس شكلها غالى اوى لى كده بس ..متغلاش عليك البسها بقى عشان اشوفها على ايد*ك ..ارتداها ..حلوة؟ _تحفة عليك ووسط كل هذا كانت هناك عيون كارهه حاقدة تنظر اليهم بغيظ الاوهى نيرمين .فقد اخذت روان منها فرصتها فى التقرب من سيف كما اخذت مكانها فى قلبه والان تاخذ نصيبها من السعادة التى كانت تحلم بها بجانبه .عزمت امرها فى تلك اللحظة على استعادت من هو ليس ملكها من الاساس مهما كلفها الامر ولكن ستنتظر الوقت المناسب لتتقرب من سيف اولا وتلقى عليه بسحرها رويدا رويدا حتى حين التخلص من روان تكن هى الص*ر الحنون له اخذها سيف بعد ذلك ليقوموا بتقطيع قالب التورتة احتفالا بيوم مولده وبنجاح العرض ايضا وضع اول قطعة من الكيك بفمها ثم اطعمته هى القطعة الاخرى ثم انهالت عليه التهانى و الهدايا بعد ذلك وقد احضرت له نيرمين قلم شيك موضوع بعلبه جلدية وطلبت منه ان يمضى لها توقيع به باسمه على كف يدها ..كل سنة وانت طيب ياسيف والف مب**ك على العرض .بصراحة العرض كان تحفة كعادتك ياسيف كل مرة بشوفك فيها بتبهرنى اكتر من المرة اللى قبلها ..سيف ..انتى شوفتيلى حاجة قبل كده ..انا مبفوتش عرض للفرقة بتاعتكم غير لما بحضره وبقعد دايما فى الصف الاول .بصراحة تمثيلك طبيعى وتحس انك بطلع كل كلمة من قلبك ابتسم سيف بغرور ..ده انتى من معجبينى بقى ..فوق ما تتصور ..شعرت نيرمين ان روان ستنفجر من الغيظ والغيرة فاستطردت .وانتى كمان ياروان كنتى هايلة .بعد اذنكم اسيبكم على راحتكم .تعمدت وهى تذهب ان تلمس يد سيف المحاطة بكاس العصير ثم وضعت بداخلها ورقة تحمل رقم هاتفها فنظر فى اثرها فغمزت لها وهو ابتسم لها التفت الى روان وهمس فى اذنها .تعرفى انى ندمان انى قلتلك عايزك احلى واحدة النهاردة .ليه؟ .اصلك بصراحة طالعة حلوة اوى والكل بقى بيبص عليكى وانا عايز اصرخ فيهم واقولهم محدش يبصلها دى حبيبتى انا وبتاعتى انا روان بفرح وهى تخفض بصرها بخجل .انت بتغير عليا يا سيف؟ سيف وهو يغمز للفتاة الواقفة خلفها وقد راته نيرمين وابتسمت بخبث . ..فوق ما تتصورى لدرجة انى نفسى اخبيكى جوة قلبى ومخليش حد يلمحك خالص روان _خليك واثق انى مش ممكن اعمل حاجة غلط او حاجة تخليك تضايق منى وتكرهنى ؛انا مبشوفش حد غيرك اصلا _حبيبتى انا واثق فيكى بس مش بثق فى الناس اللى تدب فى عينيهم رصاصة اللى بياكلوكى بعنيهم .طب واخرة حبنا ده ايه؟ _تقصدى ايه؟ اسمعنى كويس ياسيف انا مش من البنات اللى ترتبط بواحد من غير ما يكون فى رابط رسمى بينهم يعنى لو كنت بتحبنى زى ما بتقول تيجى تتقدملى وعلاقتنا تبقى فى النور سيف بتوتر ..اكيد هاجى اتقدملك طبعا ياروحى .بس استنى عليا لما اخلص السنة دى عشان بابا يوافق يخطبلى . وكمان اهلك هيقولوا ايه لما اجى اخطبك وانا لسه طالب لازم اتخرج الاول واشتغل نيرمين..ايه ياجماعة الحفلة السادة دى مفيش مزيكا ولا حاجة تفرفشنا شوية .حازم بحماس .ياسلام شغل يابنى مزيكا انطلقت الاغانى الشعبية بالمكان مما اشعل اجواء المكان والجميع يرقص ويهلل . . ..صعدت نيرمين على المسرح وبدات تتمايل وتتراقص مع انغام الاغانى الصاخبة وهى تنظر لسيف بنظرات مغوية روان لبسمة بغضب ..هى نيرمين مالها يابسمة دى عمايل واحدة محترمة على الاقل تحترم الحجاب اللى لابساه ..حجاب ايه يا روان انتى بتسمى ده حجاب انا نصحتها كتير وهى اللى فى دماغها فى دماغها ربنا يهديها __حازم...مب**ك ياسيف همس فى اذنه وهو يردف **بت نص الرهان لسه النص التانى _.بس ياخربيتك هتفضحنا ثم نظر الى روان ..مب**ك ياروان عقبال ما اشوفكم جنب بعض فى الكوشة .متشكرة .يا حازم روان _هو كان بيوشوشك يقولك ايه .لا متاخديش فى بالك هو حازم كده بيحب يهزر _________________ السلام عليكم وعليكم السلام _اهلا بيكم اتفضلوا اقعدوا دكتورة ولاء كانت اتدنى فكرة عن الموضوع بس حابب اسمع منك ..شادى...**ت ولاء _شادى دكتور مراد بيكلمك شادى ببرود ..ويكلمنى ليه انتى مش حكتيله على كل حاجة وجيبانى هنا غصب عنى خلاص اتكلمى انتى ..ظفرت ولاء بضيق ..غصب عنك ايه ياشادى احنا مش متفقين شادى باستنكار ..لا متفقناش على حاجة د.مراد..ممكن تسيبينا لوحدنا انتى يا دكتورة .تن*دت ظافرة وهى تنظر لزوجها ..ماشى هستنى انا بره .د..مراد بعد ان خرجت ولاء ..نتكلم بقى براحتنا وانسي خالص انى دكتور نفسانى اعتبرنى واحد صاحبك ده احنا حتى زملاء مهنة واحدة شادى بضيق_ تمام ..عايز تعرف ايه؟ نبتدى من البداية خالص .بتحب مراتك ؟ _بحبها اوى ومتخيلش حياتى من غيرها .طب ليه بتعر ف عليها ستات تانية يعنى ايه اللى بتلاقيه فيهم مبتلاقهوش فى مراتك .لمعت عينيه باثارة _.الاثارة ؛الشغف _ومراتك ما بتحسش معاها باثارة وشغف ..كان فى الاول بس كنت بحس انها وردة جميلها عايز املكها واشم ريحتها بعد كده بقيت مجرد شئ عادى فى حياتى وفقدت شغفى ناحيتها شوية شوية ده غير انها مبقتش تهتم بنفسها زى الاول بعد ما خلفت وكل اهتمامها بقى لابنها وشغلها _.طبيعى الست بيحصلها تغيرات فسيولوجية فى جسمها لما بتخلف ده غير المسؤولية الجديدة اللى بتضاف على كاهلها وده بيخليها فى اضعف حالاتها وانت دكتور وعارف المفروض انت كنت حاولت تحتويها وتلفت نظرها عشان ترجع تهتم بنفسها زى الاول بس الواضح انت استسهلت ولا يمكن حبيت ده عشان تحسسها دايما انها مقصرة وتهز ثقتها بنفسها وتقدر تسيطر عليها اكتر _.يمكن يكون كلامك صح .مش هنكر .هقولك ايه بس يا دكتور انا بكره قوانين وقيود الزواج بحب اعيش حر طليق من غير ما حد يقيدنى ولا احس انى مسؤول عن حد والعلاقات خارج نطاق الزواج دى بتحررنى ولما بخبى على مراتى واسعى انها متعرفش ده بيخلى الموضوع فيه اثارة اكبر ده غير ان مع الستات دى بقدر اعمل كل الحاجات اللى مبقدرش اعملها من مراتى ..وليه متقدرش تعملها مع مراتك هى حاجة حرام؟ _لا مش حرام طب طالما مش حرام ما تطلبها منها ما يمكن توافق ..نهض بغضب .لا مراتى ست محترمة وانا شايفها فى صورة كبيرة محبش انها تتهز _طب اهدى واقعد احنا بنتناقش بهدوء جلس شادى وتحدث مراد بهدوءه المعتاد ..يعنى تفضل انك ترتكب اثم كبير زى الزنا والعلاقات المحرمة اللى بتضرك قبل ما تضر غيرك وبتخسر بيها دنيتك واخرتك ولا تحطها فى اطارها الصحيح بما يرضى الله ..شادى باستهزاء..هو انا جاى لواحد شيخ وانا مش واخد بالى _مش لازم ابقى شيخ عشان اعرف الحلال من الحرام زى مانت بردو عارف ومتاكد ان اللى بتعمله ده غلط وحرام بس بتكابر . شادى ببرود _صدقنى انا كل يوم بقول لنفسى الكلام ده بس مبقدرش بضعف _لا .مش ضعف ده شيطانك اللى مسيطر عليك ومسيرك لانه بيوافق هوا نفسك ده غير ان غرورك مصورلك ان مراتك مهما عملت فيها مش هتسيبك ؛ ضامن وجودها فى حياتك لانك عارف انها بتحبك وانك ابو ابنها وبالتالى هتفضل تسامحك وتغفرلك.. بتستغل حبها وحرصها عليك وعلى بيتها لغاية ما هتستنزف اخر قطرة ليك عندها وساعتها متلومش غير نفسك .. ..شادى ببرود وهو يلوى شفتيه ..ااقولك ايه يادكتور انا بصراحة راجل عينيه زايغة و بحب الستات بحبهم بجد بكل طباقتهم وطوافئهم..البيضا والسمرا الطويلة والقصيرة حتى الوحشين منهم بلاقى فيهم حاجة مختلفة دمى ده بيجرى فيه ستات اعمل ايه فى نفسي عندك حل لده ..الحل عندك انت من جواك لازم تقتنع ان اللى بتعمله ده حرام وميرضيش ربنا وان ربنا شايفك .تحب ربنا يشوفك فى وضع زى ده ؛ عايز تزعل ربنا منك ومش هقولك تزعل مراتك ، اول خطوة فى علاجك انك تجاهد نفسك ومتبقاش عبد لشهواتك وغرايزك .ومفيش احسن من الصوم والتقرب من ربنا ..شادى باستهزاء..تمام هحاول بس موعدكش .د.مراد _ok هنعتبر الجلسة دى جلسة دردشة . الجلسة الجاية ان شاء الله بعد اسبوع هنبتدى نرجع شوية للماضى ونغوص فى عقلك الباطن .تمتم شادى بهمس..ابقى قابلنى لو جتلك تانى هتعمل عليا دكتور _____________________ فتحت اول زرارين من بلوزتها واعادة وضع طلاء الشفاه بلون الفوشيا الفاقع واعادة ترتيب خصلات شعرها الاحمر النارى الذى يبدو جليا انه ليس لون شعرها الاصلى ثم طرقت عليه الباب ..ادخل ..كان احمد منكب على الورق امامه ولم ينظر اليها فيروز بغنج.. الورق اللى حضرتك طلبته سرق احمد نظر خاطفة لها.وبصوت صارم . انتى مين ؟ ومين اللى سمحلك تدخلى هنا فيروز بغنج وهى تميل على مكتبه لتظهر مقدمة ص*رها من فتحة البلوزة التى فتحتها عمدا ثم اردفت بغنج .حضرتك انا مساعدة السكرتيرة بتاعة حضرتك واسمى فيروز اشاح احمد بوجهه عنها وهو يستغفر بسره ثم.ض*ب على المكتب بقوة و هو يقول بحدة وغضب .ومحدش قالك قبل كده ان دى شركة محترمة مش كبارية عشان تيجى بلبس زى ده ..يعنى العميل اللى جاى يعقد صفقة معانا هيبص للورق اللى قدامه ولا هيبص لجنابك ويعقد يتخيل انه ........استغفر الله العظيم _افندم . احمد بعصبية..اتفضلى على مكتبك يا انسه ومن بكرة تيجى بلبس محترم يناسب شركة محترمة زى شركتنا والا متوريناش وشك تانى ..براااا خرجت من مكتبه وهى تجر اذيال الهزيمة والدموع تلتمع بعينيها ثم تهاوت على كرسيها ..مدام ماجدة وهى تربت على كتفها مواسية ..ماقلتلك احمد بيه مش بتاع الكلام ده .معلش اد*كى اتعلمتى .فيروز ببكاء .هو فاكر نفسه مين عشان يكلمنى كده ..واللهى ما هسيبه ويانا يا هو احمد بعصبية ..بكر تعالالى على مكتبى لو سمحت بعد قليل بكر .فى ايه يا احمد ؟ _مين اللى عين البت اللى بره دى ..اتقدمت مع مجموعة البنات اللى كانوا متقدمين لوظيفة السكرتيرة وانا اللى وافقت عليها بس انت عملت فيها ايه ده انا شايفها مفطورة من العياط بره .انت بتهرج يا بكر انت مش شايف لبسها وحركاتها عاملين ازاى ..بكر ابتسامة مستفزة _ياعم وماله خالى الشعب يعيش ض*ب على مكتبه بقبضته بقوة وهدر بحدة ..ده لما نكون شغالين فى كبارية مش شركة محترمة .بكر انا اتغاضيت عن تصرفاتك الصبيانية لغاية النهاردة لانها بعيد عن الشغل لكن لغاية شركتى ومش هسمحلك بكر بتوتر ..خلاص يا احمد انا هرفدها ومتضايقش نفسك ..لا مبحبش اقطع عيش حد انا لفت نظرها المرة دى لكن لو كررتها تانى متلومش الا نفسها ..حاضر يا احمد بس هدى نفسك .بقولك _ البش مهندس عمرو اتصل من الموقع وعايز موافقة انه يستمر فى الحفر بيقول نتايج العينة اللى اخدوها طلعت مبشرة ..هايل شكله شاطر اوى البشمهندس عمرو ابقى اصرفله مكافئة وسهله الامكانيات اللى محتاجها وانا ان شاء الله هبقى اروح الموقع اطمن بنفسي ______________________ _فاقت نعمة من نومها فزعة واستيقظ عنانى ايضا على صوتها اعطاها كاس ماء .خدى اشربى خير اللهم اجعله خير شوفتى كابوس ولا ايه ..وضعت راسها على ص*ره لتستمد منه الامان ..كابوس وحش اوى ياعنانى ..انا قلقانة على البت اوى ؛هقوم اكلمها .تكلمى مين ياولية الساعة 3 الصبح .انتى مش مكلمها مرتين النهاردة واطمنتى عليها ..بردو قلبى مش مطمن ياعنانى .وخصوصا لما شوفت الحلم ده .وانت عارف ان احلامى مبتنزلش الارض .. ..ربنا يستر حكم انا عارفك ومجربك . شوفتى ايه المرة دى اللهم مااجعله خير ؟ ..واحدة حرباية عمالة تقرب من بنتك وتتلون كل شوية بلون وديب سعران واقف وراها وهى مش شايفاه والاتنين بيقربوا منها وعايزين ياكلوها وهى عماله تصرخ وتقول حد ينجدنى ياناس بس مفيش حد سامعها انقبض قلب عنانى قلقا على ابنته هو الاخر....طب قومى خلينا نتوضى ونصليلنا ركعتين وندعيلها على ما الفجر ياذن ؛ونبقى نكلمها الصبح نطمن عليها نعمة .يارب استرها معاها ووقفلها ولاد الحلال فى طريقها ومتورنيش حاجة وحشة فيها هى واخوها قادر يا كريم يارب ________ بدات نيرمين بعد تلك الليلة فى نصب شباكها حول سيف وفى نفس الوقت اعداد خطتها فى التخلص من غريمتها فكانت تصور روان كل ليلة بملابس النوم وتحادث رجال من خلال موقع التواصل الاجتماعى وترسل لهم صور روان على انها هى بالاضافة الى صور اخرى استعانت فيها بشخص خبير فى الفوتوشوب لوضع وجه روان على جسد فتيات خليعات _اهلا بالقمر نيرمين .انت عارف مين معاك ؟ طبعا وده صوت يتنسى .على فكرة انا كنت واخد بالى منك من زمان بس مينفعش كنت ابينلك قدام روان بصراحة كنت خايف تكونى بتعمليلى كمين ومتفقة عليا مع صاحبتك نيرمين بهمس ..واتاكدت انى مبلعبش بيك ومشاعرى ناحيتك حقيقية سيف بابتسامة خبيثة ..بصراحة لسه بس لو قبلتى تخرجى معايا بكره ممكن اصدق واقتنع ..نيرمين بفرح ..طبعا موافقة ؛هنروح فين .سيف بمكر..لا دى خليها عليا ؛ سيبك انتى بس نفسك ليا وانا هبسطك لم تكن تعلم انها عندما تذهب للصيد ستصبح هى الفريسة _____________________ _مش هتبطل عادتك دى وتدخل عليا من غير ماتخبط _ياعم هو انا داخل على واحدة احمد وهو ينظر الى الملف امامه ..طب اخلص عايز ايه انا ورايا شغل مش فاضيلك . .وقف بكر مترددا بعض الشئ فرفع احمد وجهه اليه ..فى حاجة عايزة تقولها يا بكر _بصراحة اه .هقولك بس الله يخليك اهدى احمد بغضب...اخلص يابكر _.انا كلفت واحد يعمل تحريات عن دشادى زى ماطلبت منى احمد بانتباه ..ايوة وقالك ايه اخبار متطمنش ابدا يااحمد . الزفت اللى اسمه شادى ده سمعته زى الزفت فى اى مكان بيشتغل فيه من معا**تة للدكاترة والممرضات وحتى العمارة اللى ساكن فيها هو واختك الجيران بيقولوا انهم ظبتوه اكتر من مرة وبنات شمال داخلة وخارجة من عنده لما اختك مبتبقاش موجودة وع طول بيسمعوا خناقهم واتمسك من فترة هو وبنت شمال فى عربيته وخدوهم على القسم واضطر يتجوزها ولسه على ذمته و.. احمد بعصبية ..و. ايه ماتنطق اختك ظبتته مره وف*جت عليه الجيران وكانت النتيجة ورم فى وشها وعينيها وبعدها مرة كان ايديها م**ورة تقريبا كده بيض*بها نهض احمد من على كرسيه وقدلمعت عينيه ببريق قاسي و نفرت عروق وجهه من شدة الغضب واخذ يردد بقسوة غ*ية ...غ*ية بتقول ايه يا دكتور مراد يعنى شادى كان بيكدب عليا ده حتى لسه امبارح كان بيقولى انه اتقدم اوى فى العلاج وانك مبسوط منه ..زى ما بقولك كده من بعد المرة اللى جالى فيها معاكى مشوفتش وشه تانى واتصلت بيه كنسل عليا ..اردف بضيق بصى لو عايزة تعرفى رايي انتى بتنفخى فى اربة مقطوعة ؛جوزك ده مفيش منه امل والنوع اللى زيه ده صعب جدا ان مكنش مستحيل انه يتغير لان هو نفسه مش عايز يتغير سالت دموعها على وجنتيها ب**ت ..متشكرة اوى يا دكتور مراد على وقفتك معايا _.على ايه بس هو انا عملت حاجة يارتنى كنت قدرت اساعدك بجد اغلقت الخط وسمعت طرقا عنيفا على باب الشقة . ..اللهم اجعله خير ؛مين بيخبط كده ..ذهبت لتفتح الباب وعندما فتحت دفعها احمد بقسوة الى الداخل _جوزك فين؟ _فى العيادة فى العيادة ولا عند مراته التانية ولاء بصدمة ..مرات مين ؟.شادى متجوز عليا .انهارت على الاريكة ببكاء مرير _ كده ياشادى هونت عليك للدرجادى عايز تقهرنى و تموتنى بحسرتى احمد بغضب وصراخ . هو ده بس اللى قهرك انه اتجوز عليكى ووساخته وفضايحه كل يوم والتانى مع النسوان الشمال اللى بيعرفهم وض*به وبهدلته ليكى كل ده مفرقش معاكى . ولا الزنا عادى بالنسبة لك لكن يتجوز عليكى بحلال ربنا هو ده اللى يقهرك وي**رك بس تعرفى العيب مش عليه العيب عليكى انتى..استطرد بحزن .انتى مش ممكن تكونى ولاء اختى ابدا فين كبريائك وعزة نفسك ازاى تسمحيله يتمادى معاكى للدرجادى ..ولاء بصراخ مصحوب بالبكاء ..عايزنى اعمل ايه اخرب بيتى بايدى واحرم ابنى من ابوه ..وبيتك كده مش مخروب تقدرى تقوليلى فين القدوة اللى هتعلميها لابنك اب عربيد وام معدومة الشخصية تقدرى تقوليلى لما ابنك يكبر شوية ويسمع الناس بتتكلم عن فضايح ابوه وامه بتنض*ب قدامه عادى وهى مستسلمة وساكتة وكان هو ده العادى انتوا هدمروا للولد نفسيته وهطلعوا نموذج اخر مش*ه للمجتمع ولاء ببكاء _مكنش كده ..كان حنين ورومانسي كان بيخلينى اطير فى السما وانا معاه وفجاه اتقلب لواحد تانى بعد الجواز .بس بردو مقدرتش اكرهه _لا وانتى الصادقة ده اتمسكن لحد ما اتمكن وهى دى حقيقته ..انتى عارفة البية اتجوز مين ياريت اتجوز واحدة محترمة تليق بمركزه وتعليه لا ده راح اتجوز واحدة شمال محبوسة مرتين فى قضية اداب ..ظبتوه معاها فى عربيته فى وضع مخل واضطر يتجوزها فى القسم . شهقت ولاء ووضعت كفها على فمها بصدمة . سحبها احمد من يدها لتقف امام المراءة _بصى على شكلك كده بقى دى ولاء اختى اللى كان وشها منور ومبتبطلش ضحك ..وشك بقى باهت وعينيكى دبلانة نموذج مش*ه لست ضعيفة مستسلمة اردف بصراخ عليها بقى دى تربيتى ليكى ازاى تقبلى على نفسك الذل والاهانة دى فين كرامتك .شهقت ببكاء ..بحبه يا احمد بحبه .احمد بحدة وهو يمسكها من كتفها يهزها بعنف _غلط. الحب من غبر كرامة يداس عليه باوسخ جزمة ؛الحب اللى يضعفك وميجبلكيش الا وجع القلب والذل ملوش لازمة مسحت دموعها بانامل مرتعشة ..معاك حق يا احمد .انا غلطت فى حق نفسى وغفرت واتنازلت كتير بس كان عندى امل انه ممكن يتغير باحتوائي وصبرى عليه لكن مفيش فايدة احمد امرا اياها بحزم ...قومى اغسلى وشك وحضرى شنطتك انتى ونيار هنعدى ناخده من الحضانة استطرد بقوة وت**يم اماهو بقى فهطلع عليه كل اللى عمله فيكى صبرا عليا بس ان ملففته حوالين نفسه مبقاش اسمى احمد . نظر داخل عمق عينيها _ولا انتى عندك راى تانى ولاء بخوف ..لا معنديش انت عندك حق ربت على يدها ..حبيبتى انا اكيد مش عايز اخربلك بيتك بس عايزك ترجعى اختى القوية بتاعة زمان تهتمى بنفسك وصحتك وابنك ترجعى تمارسي هواياتك ، تلعبى رياضة ؛تخرجى من القوقعة اللى حطيتى نفسك فيها .اشغلى نفسك ووقتك وقيمى حياتك صح وصدقينى اى قرار هتاخديه انا هقف جنبك فيه .اومات له براسها .ربنا ما يحرمنى منك يا احمد .. ________________

Free reading for new users

Scan code to download app

App Store Google Play

Facebookexpand_more