(كان اسمه حبيبى)

الفصل الثانى عشر

بسم الله الذى لايضر مع اسمه شئ فى الارض ولا فى السماء وهو السميع العليم

(١١)

الحب يا حبيبتي

قصيدةٌ جميلةٌ مكتوبةٌ على القمر

الحب مرسومٌ على جميع أوراق الشجر

الحب منقوشٌ على ريش العصافير

وحبات المطر

لكن أي امرأةٍ في وطني

إذا أحبت رجلاً

ترمى بخمسين حجر

نزار قباني

عانقته سمية بفرحة.الف مب**ك ياحبيبى بجد فرحتنى اوى .،نظر احمد بطرف عينه الى نانسي التى كانت تكاد تنفجر من الغيظ ثم سحبت حقيبتها وخرجت وهى تستشاط غضبا وحسرة

ركبت سيارتها وانطلقت بها وهى تتوعد بشر

.مش هسيبك يااحمد لواحدة غيرى انت بتاعى انا انا وبس .وهترجعلى بمزاجك او غصب عنك

______

تطلع الى شاشة الهاتف فانتفض من مكانه يبتسم بسعادة لا يصدق عينه التى ترى اسمها على الشاشة اجاب على الفور

..انا اكيد بحلم

.نهى انا اسفة ياحازم انى بكلمك بوقت متاخر زى كده

.لا انتى تكلمينى فى اى وقت براحتك ؛اؤمرينى

_الامر لله بس انا قلقانة اوى على سيف بقالو كام يوم مرجعش البيت وبتصل عليه مبيردش وحتى طنط وخالو ميعرفوش عنه حاجة

تن*د بضيق

._ انا كمان معرفش عنه حاجة بس بعتله رسالة من يومين ورد عليها قالى انه كويس ومن ساعتها قفل تليفونه

رددلنفسه اه لو تعرفى انك مش على باله اصلا .خايف عليكى يا قلبى تكونى ضحية من ضحاياه وقلبك الرقيق ده يتحطم

..طب لو عرفت عنه...

قاطعها حازم بضيق ..هبقى اطمنك عليه. ...قوليلى انتى عاملة ايه فى مذكرتك ؟

.. الحمد لله كله كويس .طب مع السلا

.استنى متقفليش اراد حازم ان يتحدث معها اكبر قدر ممكن فكم اشتاق لسماع صوتها العذب

نهى بلهفة.فى حاجة نسيت تقولها بخصوص سيف

.حازم بحده طفيفة.جرى ايه يانهى سيف سيف مفيش فى دماغك الا سيف

.انت بتكلمنى كده ليه؟

.ياستى اسف .بس بجد يانهى انا خايف عليكى

_خايف عليا من ايه

تن*د بضيق .مفيش بس ارجوكى خدى بالك من نفسك ومتفكريش فى حاجة غير مصلحتك ومستقبلك على الاقل لغاية ما تكبرى شوية وتقدرى تفهمى مشاعرك صح وتقدرى تحكمى على اللى حواليكى بعقل ناضج

نهى بحيرة من كلامه..انا بجد مش فهماك ياحازم ولا فاهمة انت تقصد ايه

_.مش مهم بكرة تفهمى .المهم تخلى بالك من نفسك وابقى كلمينى اذا احتجتى حاجة

.حاضر .سلام

..سلام

_____________________

قبل راس جده ويده

عامل ايه دلوقتى ياجدى العلاج الطبيعى جاب معاك نتيجة

الحمد لله يااحمد ياحبيبى بقيت احسن من الاول

اقتربت منهم عطيات وهى تحمل بيدها صينية العصير ثم وضعتها امامهم وهى تقول

..الحمد لله بقى بيقدر يقوم يمشى على المشاية خطوتين تلاتة كل يوم

احمد بفرح..بجد ياجدو ..

اوما له جده بايجاب.البركة فيك بعد ربنا بصراحة مكنتش مقتنع ان العلاج الطبيعى ده هيجيب نتيجة وقلت اريحك وخلاص لكن طلع معاك حق

_احمم عندى ليكم خبر اظن هيبسطكم

..عطيات .خير ياحبيبى الخير على قدوم الواردين

.انا قررت اتجوز

شهقة فرح اطلقتها عطيات

واخيرا .ودى مين سعيدة الحظ بقى اللى شنكلتك بالسرعة دى

_اخت واحد بيشتغل معايا

الجد حسن ..الف مب**ك يااحمد ياحبيبى الحمد لله ان ربنا مد فى عمرى لغاية اليوم اللى اشوفك فيه عريس

قبل احمد يده ربنا يد*ك الصحة ويطول فى عمرك ياجدى وتشوف عيالنا وعيال عيالنا كمان

عطيات ..وحددووا ميعاد ولا لسه يااحمد

_خت ميعاد من اهلها نروح نطلبها بكرة بس هى من الشرقية على فكرة

.

عطيات _ اهل كرم وطيبة ربنا يباركلك ياحبيبى

.

حسن .. ..حلوة عروستك يااحمد

..شرد احمد فى ابتسامتها ونظرتها الدافئة حين راها اول مرة

..اهااا حلوة بس صغيرة شوية انا اكبر منها يجى 15 سنة كده

_وماله ياحبيبى ما ستك الله يرحمها كانت بنت 16 سنة وانا كنت قد الوحش بالنسبة لها لما اتجوزتها ومع ذلك فضلنا نحب بعض لاخر لحظة.. مكنتش بشوف ست غيرها ولا هى يملى عينها راجل غيرى وبعد ماماتت الله يرحمها قفلت على نفسي ورفضت واحدة غيرها تيجى تقاسمنى حياتى

.عطيات واحمد ..الله يرحمها ويحسن اليها

______________________

باتت ليلتها حزينة تفكر بهم من وقت ماعلمت بقدوم احمد وعائلته لطلبها بالغد

فاين كانت واين اصبحت؟ امعقول ان تتناثر احلامها وتتسرب هكذا من بين يديها

حتى انها لم يعد لها حتى الحق فى اختيار شريك حياتها بل فرض عليها فرضا .رجل لاتعرفه ولم تراه من قبل و سيصبح زوجها والادهى انه شقيق الرجل الذى عشقته ثم جرحها وادمى قلبها كيف ستتعامل مع ذلك مجرد الفكرة يقشعر لها بدنها

طرقت والدتها عليها الغرفة

_انتى لسه صاحية ياروان ؟

مسحت دموعها سريعا _ايوة ياماما مش جايلى نوم

ربتت نعمة على ظهرها ._طب قومى ياحبيبتى اتوضى وصلى استخارة وسيبيها على الله هو يختارلك اللى فيه الخير

نهضت وتوضت وصلت استخارة وشعرت بالفعل بعدها بالراحة والطمانينة

_____________________

صالة ديسكو

فيروز .ايه رايك بالمكان ؟

بكر _مش بطال .انتى متعودة تيجى هنا دايما

لا مش دايما لما احب اتبسط واغير جو بس حضرتك مختلف خالص عن احمد بيه

..هههه هههه مش شايفة ان كلمة حضرتك دى متتنسبش خالص مع المكان اللى احنا قاعدين فيه رفع كاسه .تشير ياموزا

رفعت كاسها هى الاخرى .تشير ..غمزت للجرسون من خلفه واشار هو لها بعلامة ok ?

..وبعد لحظات بدا بكر يفقد وعيه فمدت يدها لجيب جاكيته الداخلى المعلق على الكرسي خلفه واخذت منها شئ ما ثم اعادتها مكانها مرة اخرى

..بكر ..بكر انت سكرت ولا ايه

..بدا يستعيد جزء من وعيه

.مش عارف ايه اللى حصلى فجاه كده الظاهر انى دوخت مع انى مشربتش غير كاس واحد

..طب قوم معايا ما اسندك لغاية العربية ..وهات المفتاح انا اللى هسوق مينفعش تسوق وانت بالحالة دى

..

__________________

منزل عنانى بمحافظة الشرقية

عنانى ..منور ين ياجماعة .منورة ياحاجة ده احنا اتشرفنا بيكم والله وبنسبكم

..بنورك ياحاج.امال فين عروستنا الحلوة مش عايزة تيجى تسلم علينا ولا ايه

نعمة ..لا ازاى دى تتشرف بس حضرتك عارفة البنات عروسة بقى وبتتزوق

سمية_براحتها

اقترب منها عنانى وهمس باذنها

روحى اندهى بنتك يانعمة بدل ماادخل اجيبها من شعرها وقوليلها تحمد ربنا اللى سترها معاها ووقعها فى ناس محترمة زى دول

.حاضر حاضر .بعد اذنكم لحظة ياجماعة

سميه .براحتك ياحبيبتى

ولاء بامتعاض وهى تنظر لمحتويات الشقة باستعلاء ..ناس بيئة ونسب يعر

عنانى بس متاخذنيش يابنى الوالد مش كان المفروض يجى معاك

عمرو.احم .جرى ايه ياحاج انا مش مش مفهمك الظروف

.احمد مقاطعا ..استنى يا عمرو الوالد عنده علم ياحاج وهو معندوش مانع بس قال البركة فيك وفى الست والدتك وهو هيكون موجود ان شاء الله يوم الفرح

... على خيرة الله يابنى

.داخل غرفة روان

شيمو..وبعدين معاكى بقى يا روان دى تالت مرة اظبطلك المكياج انا مش عارفة والله لازمته ايه بس العياط ده كله ده عريسك والله زى القمر ومش باين عليه السن

تلقت صفعة فجاه على مؤخرة راسها فشهقت بخضة

..هو مين ده اللى زى القمر يابت ومش باين عليه السن

شيمو بتلعثم ..احم.بس اكيد مش احلى منك ياعمورى

_لا ياشيخه حسابك معايا بعدين .اتاخرتوا ليه لغاية دلوقتى ده انتى لو بتشطبى عمارة كان زمانها خلصت

.اسال اختك كل ما عملها المكياج تسح من عينها وتخربه

..طب اطلعى انتى ياشيمو شوفى ماما كانت عايزاكى ليه

..هى بقت .كده يعنى بتزحلقنى

..الصراحة اه

ماشى ياعم خارجة متزقش خيرا تعملا طردا تلقى

_مسح عمرو على شعر روان

_ايه ياست البنات مخرجتيش للضيوف ليه

روان ببكاء.يعنى مش عارف ليه هتجوزونى واحد معرفوش ولا عمرى شوفته زى الجاموسة اللى سايقنها للدبح

_ يمكن دلوقتى تحسى كده بس صدقينى بكرا هتشكرينى على اللى عملته ده .يلا امسحى وشك واخرجى للناس ميصحش كده الناس فى بيتنا

..حاضر اخرج انت وانا هحصلك

عند احمد

بدا يظفر بضيق وهو يتطلع بساعة يده

عليا النعمة لو ماخرجتش خلال 5 دقايق لكون ماشى

.وسايب الليلة دى كلها .فاكرة نفسها مين عشان تخلينا نقعد نستنها ده كله

طرقت على باب الغرفة ودلفت وهى تطلع ارضا بخجل .._السلام عليكم ورحمة الله

لم تفت على اعين احمد الثاقبه عينيها المنتفخة من اثر البكاء حتى مع لمسات المكياج التى حاولت تغطيتها

.ردد فى نفسه.قد كده مش طايقانى طب ليه وافقت على الجواز ولا يكونوا غصبوها

الجميع ..وعليكم السلام

..سمية_ تعالى يا عروستنا اقعدى جنبى هنا

اذعنت روان لرغبتها وجلست بجوارها لتكون بمواجهة احمد

رفعت لها سميه وجهها

_بسم الله ماشاء الله عروستنا زى القمر

نعمة..ده عينيكى الحلوة يا ياحاجة

..ركض نيار عليها

انتى عروسة خالو

..اومات له دون حديث

_يعنى هتيجى معانا البيت وهتباتى معانا

.ابتسمت له روان دون ان تنطق

جذبها الطفل من يدها ._طب يلا قومى هاتى شنطتك عشان نمشى مستنية ايه

.انفجر الجميع بالضحك عليه

. ولاء بحدة .نيار تعالى هنا يلا وكمل العصير بتاعك

.رفع لها كتفيه دلالة الاعتراض ثم جلس على قدم روان و لف ذراعيه حول عنقها

.. لا انا قاعد مع عروسة خالو

..ابتسمت روان على براءة هذا الطفل الذى خ*ف لبها من اول لحظة

.جذبه احمد منها برفق واجلسه على قدمه

لا انا كده هبتدى اغير منك ياسى نيار .دى عروستى انا .ماشي امسكه من انفه بمشا**ة

..وبعدين هتيجى معانا البيت ازاى دلوقتى مش لازم نعمل الفرح الاول وتلبس فستان العروسة

وخالو يلبس بدلة العريس ويجى الماذون ابو عمه وقفطان ويكتب فى الدفتر ان احنا بقينا متجوزين

وضع نيار اصبعه على راسه وكانه اكتشف لتوه سر خطير

..اه صحيح فاتتنى دى

الجميع???

شعرت روان انها استمعت لهذا الصوت من قبل فرفعت بصرها ونظرت اليه وتلاقت اعينهم للحظة وجهه ايضا مالوف لها ولكنها لم تتعرف عليه

.

عنانى ..نتكلم بقى فى المفيد

احمد ..المهر اللى حضرتك تؤمر بيه اوالشبكة اللى العروسة تختارها انا موافق بس ليا رجاء خاص انا مش عايز فرح هنخليه كتب كتاب على الضيق بين العيلتين بعد صلاة الجمعة ان شاء الله فى مسجد مصطفى محمود عشان الاشهار وبعد كده هاخد العيلتين ونتعشى فى اى مكان

..سمية .ليه بس كده يابنى مش عايزنا نفرح ولا ايه

..وهو الفرح فى الزيطة والدوشة ياامى الفرح فى قلوبنا

..عنانى .معاك حق يابنى .تمام انا موافق بس عندى اعتراض صغير كتب الكتاب هيتكتب هنا فى البلد وسط اهلنا وناسنا وبعديها تتعشوا وتاخد عروستك وتتاكلوا على الله على بيتكم والا مش عايزين تدوقوا طبيخ ام عمرو

ده احنا حتى مسمينا الشرقاوة اهل الكرم

سمية .ده احنا يزيدنا شرف ياحاج

احمد ..يبقى على بركة الله

________________

بغرفة سيف بالقاهرة

رن جرس هاتفه النقال وكان يخلع ملابسه استعدادا للنوم

نرمين..حبيبى وحشتنى

..وانتى كمان بتعملى ايه؟ .ايه اللى مصحيكى لغاية دلوقتى

..بفكر فيك

..بجد ؟ طب هتجيلى بكرة الشقة زى ماوعدتينى

..مابلاش حكاية الشقة دى يا سيف

..ليه يا روحى احنا مش كنا اتفقنا وبعدين دى هتبقى شقتك ولازم تشوفيها وتشوفى اذا كانت عاجباكى ولا لا اواذا كنتى حابة تغيرى حاجة فيها .انتى مش بتثقى فيا ولا ايه

.اكيد بثق فيك ..خلاص هاجى بس انت لسه على وعدك انك هتيجى تخطبنى بعد النتيجة ما تظهر

.اكيد ياروحى .

سيف بخبث.انتى قاعدة لوحدك ..

ايوة .اصل معظم البنات لسه مرجعوش من الاجازة ام انا ياحسرة عمتى ما صدقت انى قلتلها راجعة اصلها بتغير على جوزها منى وهو تندب فى عينيه رصاصة .تصور انى ظبطه بيبص عليا من خرم باب الحمام .راجل معفن

_امال مامتك وبابكى فين يا نيرمين؟

..مسافرين بقالهم كام سنة برة وتقريبا كده نسيوا ان عندهم بنت بس تعرف كده احسن عشان اعرف اخد راحتى اكتر

سيف .معاكى حق الاهل دول احيانا بيبقى خنقة وبيكرهوا الواحد فى عيشتوا

قوليلى .لسه مفيش اخبار عن روان ؟

نيرمين بحنق ..ايه وحشتك اوى ؟

ظفر بحرقه ._ولا طايق اسمع سيرتها انا بسأل بس

..ولا تسال ولا تجيب سيرتها تانى فاهم

..خلاص اهدى يا وحش اردف بمكر

طب بقولك ايه بما انك قاعدة لوحدك وكده _ انا لسه متخانق مع ابويا ومخنوق اوى ايه رايك تخرجينى من المود ده واهو ينوبك ثواب

ابتسمت بدلال ..ايوة يعنى عايزنى اعملك ايه

..تورينى شوية من جمالك .انتى لابسة ايه تحت

الروب ده

نيرمين بضحكة خليعة..يخربيت سفالتك

_ما تقلعى كده يابت وتورينى جمالك ده انا غلبان ومحروم

نيرمين بدلع هههه ههههه ما ينفعش ياعينيا

_ يله بقى متبقيش رخمة انتى مش بتحبينى وعايزة تبسطينى

.طب خمس دقايق بس وهلبس ع طول

.ماشى ياستى اخلصى

خلعت روبها وكانت ترتدى تحته منامة بدون اكمام وهوت شورت قصير

..يخربيت حلاوتك ايه الجسم ده يابت بس

حسك مش مرتاحة بقولك ايه ما تقلعى الهدوم اللى فوق دى عشان تعرفى ترتاحى اكتر فى القعدة

.ههههه هههه .لا كفاية عليك كده كل مرة هوريك حتة

.طب خلاص ارقصيلى شوية بصراحة من ساعة ماشوفتك وانتى بترقصى يوم الحفلة وانتى مبتغ*يش عن خيالى

..نيرمين بضحكة خليعة ..ده انت طماع اوى ..طب بقولك ايه خلى الرقص ده لما اجيلك بكرة الشقة ايه رايك ؟

..ماشى ياستى اتفقنا بس متتاخريش عليا .

_هههه ماشى

رغما عنه وضعها بمقارنة مع روان ولكنه سرعان ما نفض الفكرة عن راسه فعلى الاقل نيرمين صريحة ومشاعرها واضحة اما روان فحية مخادعة تظهر ع** ما بداخلها

.. كلهن مخادعات من وجهة نظره

يضعن السم بالعسل والمغفل فقط هو من يقع فى فخهم

_____________

بتقولى ايه ياروان معقول هتتجوزى اخو سيف

..اهو ده اللى حصل يابسمة

..ازاى يعنى ؟انا مش فاهمة

روت لها روان ماحدث من سيف ونيرمين فشهقت بصدمة

معقول نيرمين توصل معاها لكده لا دى اكيد اتجننت

.ارجوكى يابسمة متجبليش سيرتها لاهى ولا الكلب التانى انا بكرههم بكرههم بجد

بسمة باسي _ياعينى على حظى انا وانتى صح المثل اللى قال المتعوس متعوس من يومه

_ليه وانتى مالك انتى كمان ؟

انا لازم افسخ الخطوبة دى ياروان انا خلاص مش قادرة ده انسان بخيل مش بخيل فلوس بس لا بخيل فى مشاعره كمان صدقينى انا حاولت ااقرب منه زى ماوعدتك لكن هو مدنيش فرصة وشكله مغصوب على الجواز هو كمان تخيلى انى كل مابخرج معاه نقعد فى مكان اول ما يشوف الجرسون جاى ياخد الحساب يعمل نفسه مشغول بالتليفون ويطلع يتكلم برا لغاية مااحاسب. ولسه امبارح خلانى ادفعله حق بنزين العربية بحجة انه معاهوش فلوس وهما مبياخدوش فيزا

..ضحكت روان رغما عنها .يااا ده نتن اوى

انتى بتضحكى ياروان بنضحكى على المصيبة اللى انا واقعة فيها

_طب ما تحكى لوالدك الكلام ده

قلتله ياختى اتريق عليا وبيقولى انتى بتتوهمى ومتجبيش سيرة فسخ الخطوبة دى على ل**نك تانى ولا عايزة جدك يزعل مننا دى عادات فى عيلتنا من سابع جد يابنتى والواد لازما ياخد بت عمه

._ ربنا يحلها من عنده صلى انتى بس وادعي كتير ان ربنا يبعد عنك كل شر انا بعمل كده

يارب ياحبيبتى

_طب وانتى هترجعى من الصعيد امتى ؟.

_قبل الدراسة بيومين كده

.هكلمك بكرة فيديو اباركلك واشوفك وانتى بفستان الفرح .الف مب**ك يا رورو ربنا يخلف ظنك ويطلع احمد ده ابن حلال وغير الزفت اللى اسمه سيف ده خالص انا قلبى بيقولى كده

اغلقت معاها الخط وهى تتن*د برجاء...يارب

____________________

ايه ؟بتقولى ايه؟ احمد هيتجوز ودى مين اللى دى اقنعته يغير راية ويقرريتجوز فجاه كده

عواطف.انا عارفة ياخويا بيقولوا بنت فلاحة من الشرقية اردفت بنبرة شامتة

ماهو ده اخره مهما طلع ولانزل هو وامه ناس بيئة ميعرفوش يناسبوا الطبقة الراقية الهاى كلاس يخافوا يتفضحوا قدامهم ده حتى مش عاملين فرح

سيف بدهشة ..بنت من الشرقية منين بالظبط واسمها ايه

عواطف بنفاذ صبر .معرفش يا سيف وانا مالى اما ابوك يرجع ابقى اساله

مش عارفة انت شاغل نفسك بيه ليه ما يتجوز ولا يتنيل داهية تاخده هو وامه

سيف لنفسه _معقول يكون اللى فى بالى صح .لا لا مش معقول بعد الكلام اللى سمعه منى مش ممكن احمد يعملها .اكيد واحدة تانية هو مفيش غيرها يعنى من الشرقية

عودة الى الوقت الحالى

ليلة الزفاف

انبهر بها عندما طلت عليه بالفستان الابيض كالملاك قبل ان تذهب لتجلس فى مجلس النسوة ويذهب هو مع والدها وباقى الرجال لينتظروا قدوم الماذون لعقد القران

جلست وسط النسوة شاردة وهى تردد بداخلها

انها ستنتبه لحياتها الجديده وتحاول ارضاء زوجها حتى لو لم تحبه ولكنها ستخلص له وتطيعه

فقد ساقه القدر اليها وهى دائما راضية بقضاء الله وقدره

وان سيف كان مرحلة بحياتها وانتهت

ستمحيه نهائيا من قلبها وعقلها وتلقيه باقصى يمينها وكانه لم يكن يوما حبيبها.. ولكن هل بالفعل احبت سيف ام كان مجرد احتياج للحب والشعور بانها مرغوبة فهو اول شخص يخبرها بحبه ويشعرها بانوثتها اول شخص يحاوطها برعايته وحنانه لتتخذه عوض لها عن بعدها عن اهلها .اغدق عليها بعبارات الغزل ليروى بها ظما قلبها القاحل

وهى التى احاطت قلبها دائما باسوار حديديه عاليه استطاع هو ان يعبرها بمهارة فاقت من شرودها .

على صوت الزغاريط حين انتهى الماذون من جملته الشهيرة

بارك الله لكما وبارك عليكما وجمع بينكم فى خير

لينتهى بذلك فصل من حياتها ويبدا فصل اخر

_________________