Mabilis na lumipas ang ilang buwan at mas lalong lumala pa ang mental health ni Hades, hindi na kinaya ni Luis ang nakikitang kalupitan ng anak sa mga taong nasa paligid nito kaya isang masakit na desisyon ang kanyang ginawa para sa ikabubuti ng anak at para na rin sa kinabukasan ng kanyang apo.
Palakad-lakad si Hades sa loob ng Library na nasa kanilang mansion, labis siyang nagpupuyos sa matinding galit dahil hanggang ngayon ay hindi pa rin niya nakikita si Steffany. Halos hindi na siya natutulog at lagi na rin siyang nalilipasan ng gutom dahil sa pagiging abala nito sa paghahanap sa kanyang nobya. Napakalayo na ng kanyang itsura sa dating malinis na pangangatawan nito. Nagmukha na siyang matanda dahil sa ilang buwan na walang ahit at lagi na ring magulo ang kanyang ayos maging ang buhok
