MABILIS pa sa alas kuwatro ang ginawa niyang paglilinis at pag-aayos ng kanyang sarili, pakiramdam niya sa mga oras na ito ay nabuhay ang lahat ng dugo niya sa katawan at ang gaan ng katawan niya. Tatlumpong minuto lang ang nakalipas ay natapos na niyang ayusin ang sarili niya, bagong ahit, bagong ligo at fresh na fresh siyang lumabas ng kuwarto niya.
Ang akala niya ay magugulat si Lenneth kapag nakita siyang tapos na ay mas nagulat siya nang makita niya ang ipinagbago ng sala niya. Malinis at maayos na ang lahat, wala na ang mga nagkalat na basura at marurumi niyang damit, wala na din ang masansang na amoy ng alak at mga bulok na pagkain. Lahat ay kumikintab na sa sobrang linis at ang mas lalong nagpagaan sa pakiramdam niya ang mabangong amoy ng air freshener sa buong bahay niya.
"Wow,
