Papalabas na sina Lyka at Chuck sa resort nang mapatigil at maabutan si Chris na may dala-dalang isang bouquet ng tulips at isang supot ng mga pagkain pabalik sa ruta kung saan sila dumaan kanina.
Agad itong nagtaas ng kilay at napadako ang tingin sa magkahawak pala nilang kamay ni Chuck. OMG! Hindi ko napansin.
Napakagat-labi siya at sinubukang lampasan ang kadarating lang na binata, ngunit nahagip pa rin siya nito. Nakita niyang binitawan ng binata ang lahat ng dala nito.
"Aray! Ano ba?" asik niya habang napapangiwi sa sakit gawa ng pagkakahawak sa kanya.
"Ang sabi mo masakit ang tiyan mo..." Madilim na ang ekspresyon ng binata at unti-unti ay para siyang itinulos sa kinatatayuan niya. Galit na si Boss!
Nginitian niya naman ito nang alanganin. "Ah... eh... D-dinalhan
