Palinga-linga lang si Lyka sa paligid upang maghanap ng kahit anong bagay na magagamit niya pangdepensa. "Ricky..." tawag niya sa kaibigan.
"Ano?" Halata sa boses nito ang takot at kawalan ng maisip na gawin sa sitwasyon na iyon.
"Hindi ako fighter, eh. Nakapasa ka ba sa karate class no'ng college tayo?"
"Malamang, hindi! Sa ballet ako napunta, inday, dahil babae ang puso ko!"
"Mayro'n akong naisip..." suhestiyon niya.
"Ano?"
"Takbo!" sigaw niya saka tumalikod at tumakbo hila-hila ang kamay ni Ricky.
"Habulin n'yo!" sigaw ng nasa likod nila habang patuloy lang sila sa pagtakbo.
Hindi matigil-tigil ang pagtili ni Ricky. Kung saan-saang eskinita na sila sumuot at nagtago pero hindi pa rin sila tinatantanan ng mga magnanakaw. Mas binilisan pa nila ang pagtakbo
