و اخيرا و بعد معاناة استطاعت التركيز و الاستيقاظ من حلمها الواقعي .... لا تعلم اتسعد بأعترافه ام تبكي حزنا على ما جعلها تعيشه من بؤس و قهر ... لكن و لنقائها و طفولتها تناست تماما حزنها السابق لتقرر الاستمتاع بالحاضر و نيل سعادتها التى طالت حتى شكت فى قدومها بيوم من الايام
انتبهت على وضعهم لتجد انهما يجلسان ارضا مواجهين لبعضهم البهض و مازالت يده تحيطها ... تحول وجهها للون الاحمر فور تنبهها لوضعها ذاك ليبتسم هو عليها هاتفا بخبث
ايان : صحيتي خلاص ؟
رمشت مرات عدة قبل ان تهتف بخوف
خيال : هو كل ده كان حلم ؟
صدحت ضحكاته ليردف بمرح
ايان : هو ايه ده ؟
اتسعت عيناها و استعدت لذرف الدموع ليسرع هو بالاجابة
ايان : خلاص خلاص كان حقيقة و الله ... و الله بحبك يابنتي كفاية عياط هيجيلك جفاف
ابتلعت ريقها لتردف ناظرة لهيئتها
خيال بغيظ : يعني مظبط المكان كله و يخت و بتاع و متشيك و انا جايبني بالمن
