Lanie's Pov:
Namamanghang pinasadahan ko ng tingin ang kabuuan ng may kalakihang clinic dito sa loob ng mansyon. Hindi ko akalaing may sariling clinic ang Prime Crime dito sa base nila.
Kompleto sa kung ano-anong gamit ang clinic. Hindi ko nga alam kung matatawag pa itong clinic dahil halos kalahati yata ng ika-apat na palapag ang inookupa niyon.
Puting-puti ang kabuuan ng clinic at kanina pa inaatake ng amoy ng ethynol ang ilong ko.
Napatingin ako sa isang glass door na nasa may gawing kanan ko ilang metro ang layo sa akin. Operating Room. Iyon ang mga salitang nakasulat sa itaas ng pinto. Isa pang silid ang katabi niyon at ang kasunod na silid ay may nakasulat ding operating room sa itaas ng pinto.
Hindi na nga lang ito isang clinic. Kung tutuusin nga ay mas malaki at maganda pa i
