`AYAN na nga! Unti-unti na akong nilalapitan ni Thaddeus. Iyong tingin niya sa akin ay malagkit na para bang hinuhubaran na niya ako sa kanyang imahinasyon. Medyo kinakabahan ako. Hindi ko kasin in-expect na magiging ganito kabilis ang pagkagusto niya sa akin. Tama nga si Malena, kulang lang ako sa ayos. Mabuti na lang talaga at sinunod ko ang suggestion niya kahit na intrimitida siya.
Ako naman ang napalunok nang huminto siya sa harapan ko. Nagtama ang aming mga tingin. Matagal. Hindi ko alam ang gagawin ko. Nasaan ba si Malena? Kailangan ko ng tulong niya kung ano ang dapat kong gawin!
“Esha…” Mahinang tawag sa akin ni Thaddeus.
“T-thaddeus?”
Bigla niyang pinitik ang noo ko. “Anong tinawag mo sa akin? Thaddeus? Ano ka ba dito? Hindi ba’t kasambahay ka? Sir Thaddeus ang itawag mo sa a
