Tahimik na pinagmamasdan niya ang nahihimbing sa tulog na si Nikolai. Nakasandal siya sa headboard ng kama habang ang isang kamay ng anak ay nakapatong sa kanyang hita.
Paulit-ulit na nagre-replay sa utak niya ang mga sinabi kanina ni Zech Leon. Totoo kaya na siya ang may kasalanan kung bakit nakapasok ang mga kalaban nito sa isla? Kasalanan ba niya kung na-bwisit siya sa narinig mula kay Meila kaya binasag niya ang cellphone nito?
Napakamot siya ng ulo dahil naiinis siya sa mga nangyayari. Ang lagay kasi ay lumalabas na kasalanan niya ang lahat ng nangyari.
Isa pang bumabagabag ng husto sa kanya ay ang kanyang anak. Dati naman kasi ay okay lang dito na wala itong ama. Hindi niya alam kung kailan nagsimula itong maghanap ng daddy. Tapos ngayon ay umiiyak na ito kapag wala ang ama nito
