Ikadalawampu't Tatlo na Kabanata
Clairn vs. Rhonwen
Point of View: Third Person
Mag-isang naglalakad si Clairn nang madaling araw na iyon. Kagagaling niya lang sa palasyo ng mahal na hari at patungo na dapat siya sa kaniyang silid.
Masyadong mahaba ang naging araw niya dahil sa mga utos ng mahal na hari. Hindi naman siya makaapila dahil ginusto niya ito. At isa pa, kahit hindi naman siya nito utusan ay gagawin niya pa rin ang kahit ano para lang malaman kung sino ang pinuno ng Black Knights at puksain ang lahat ng mga myembro nito.
Ngunit agad siyang napalingon sa likuran sabay bunot ng katana sa kaniyang tagiliran upang sanggain ang kung sino mang sumugod sa kaniya.
Nang makilala niya ang lalaki ay bahagya siyang kumalma, ngunit nang muli nitong iwinasiwas sa dereksyon ang hawak na
