Ikadalawampu't Apat na Kabanata
Bago ang bagyo
Point of View: Third Person
"Nagsisimula na namang mawalan ng tiwala sa 'yo ang ikalawang prinsipe."
Napahilata na lang si Clairn sa buhanginan dahil sa sinabi ni Rhonwen. Hindi naman na siya nagulat dahil noong una pa lang ay ramdam na niyang wala talagang tiwala ang prinsipe sa kaniya. Inasahan na niyang hindi magbabago iyon.
Hindi rin naman niya inaasahang magkakaroon ng tiwala sa kaniya ang lalaki. Una pa lang ay pinaramdam na niya iyon sa kaniya. Bagay nga siyang tagapagmana ng Kaharian ng Nearon. Alam niya kung paano tumakbo ang mundong ito.
"Ano na ang balak mo ngayon?" tanong ni Rhonwen habang sinisipat ang katana. Napangisi pa siya dahil mayroon ito na ilang mga lamat kahit na hindi naman siya hinampas pabalik ni Clairn. Imbis n
