"Sobrang sakit po ng katawan ko, siguro dahil sa pagod at puyat. Pakiramdam ko rin po, nilalagnat ako," reklamo ni Yoona habang dahan-dahan nahiga sa sofa na nasa sala.
"Over fatigue 'yan, Ate," wika ni Avery habang papalapit sa kinaroroonan ng kapatid. Marahang inilapat nito ang palad sa noo ni Yoona, "Gosh, ang taas ng lagnat mo, Ate! Mamaaaaaa!" biglang tawag nito sa ina.
"O, bakit?" bungad naman ng kanilang ina habang nagmamadaling papunta sa kinaroroonan ng anak na sumisigaw. Nadala pa nito ang sandok dahil sa para emergency na sigaw ni Avery.
"Mama, ang taas ng lagnat ni Ate," anunsyo nito.
"Ha? Bakit? Hawakan mo nga ito," anito at iniabot ang sandok na hawak kay Avery. Marahang inilapat nito ang palad sa ibabaw ng noo ng dalaga, "Ang taas nga ng lagnat mo, anak," alalang wika n
