Katulad nang lagi niyang ginagawa nasa harapan siya ng Laurent Corp. para makita ang kaniyang ex-boyfriend. Kahit alam niyang may iba na ito pero hindi niya pa rin mapigilan ang sarili niya na hindi ito makita at kahit masilayan man lang kahit sandali.
Pagbaba nito ng kotse ay nakita niyang may babaeng sumalubong rito. Kitang-kita niya na binigyan ng bouquet ang babaeng sumalubong rito.
"Hoy! Sino bang tinitingnan mo riyan?" bungad sa kaniya ni Rose kaya bahagyang nagulat siya rito.
"Wa ... wala. Kumusta ka na? Ngayon lang muli tayong nagkita," sambit niya.
"Heto, dati pa rin. Congrats, ha? Nakita kita sa billboard, ikaw pala ang Youngest CEO. Mabuti ka pa, natupad na ang mga pangarap mo," pakli nito.
"Salamat. Sipag lang talaga ang kailangan," wika niya.
"Siya nga pala, hindi ba
