"Ito! Gusto ko ito, ang ganda! 'Di ba, sis?" tanong niya kay Avery. Unang sahod niya kahapon. Hindi niya akalaing napakalaki pala ng sinasahod ng Laurent Corp. sa secretary na katulad niya.
"Oo, Ate, sobrang ganda! Bagay na bagay 'yan sa 'yo," sambit ni Avery.
Marami siyang biniling damit pang-opisina at nagpaayos rin siya ng buhok at nagpakulay kaya mas lalo pa siyang gumanda. "Kayo rin ni Mama, pili na kayo ng sa inyo," sambit niya. Sobrang saya niyang pinagmamasdan ang kaniyang kapatid at ina habang namimili ng mga damit. Nakabili na rin sila ng groceries at iba pang pangangailangan sa pang-araw-araw.
"HAYS, napagod akong sobra. Sa dami ba namang pinuntahan natin," sambit niya nang makauwi na sila ng bahay.
"Ako rin," sambit ng kaniyang ina. "Thank you, 'nak."
"Walang ano man po
