Napangiwi ako nang makita sa salamin ang pamumula ng pisngi ko at ramdam na ramdam ko pa rin ang kirot nito.
"Come here," sabi ni Basti na kapapasok lang dito sa office at may dala-dalang ice pack. Naupo kami sa couch at sinimulan niya ng idampi ang ice pack sa pisngi ko.
Nakakunot ang noo niya habang ginagawa iyon. Halatang-halata sa mukha niya ang galit at pag-aalala.
"Hindi ka na sana humarang doon," aniya habang pinagpapatuloy ang ginagawa niya. Napapangiwi na lang ako sa tuwing napapadiin ang paglalagay niya ng ice pack.
"I don't want to see my customers getting hurt," sabi ko.
"But look what happened, ikaw ang nasaktan," sabi niya at saglit na tumigil para tumingin sa akin.
"Bakit ikaw? Sana hindi mo na lang din sinuntok 'yung lalaki," sabi ko at napanguso na lang.
"Tha
