HANGGANG sa mga sandaling iyon hindi pa rin lubos maisip ni Abella na nangyayari ang lahat ng iyon sa kabila ng mga naganap sa bawat pagitan nila ng pamilya ni Nathan. Tunay ngang nagbabago ang lahat at isang magandang pagbabago ang nararamdaman niya. Sa loob ng mahabang panahon, napakaraming nangyari at malaki ang pasasalamat niya na naayos na ang lahat.
Walang mapagsidlan ang ligayang umaapaw sa pagkatao niya. Tuluyan nang naglaho ang mga bagay na nagpapabigat sa kaniyang dibdib. Hindi na niya kailangang mangamba na baka bukas magulo na naman ang lahat dahil sa nakikita niya, tuluyan nang naayos ang lahat ng gusot sa bawat pagitan.
Tunay ngang hindi lang saya o lungkot ang mararanasan sa buhay dahil ang buhay ay tila isang panahon. Minsan tag-araw, minsan tag-ulan. Ang kailangan lang a
