LUMIPAS ang isang araw na hindi pa rin natatagpuan ni Abella si Nathan. Lahat ng maaaring puntahan ni Nathan, pinuntahan na niya. Pabalik-balik na siya sa condo unit nito pero parati siyang bigo. Tumutulong na rin sa kaniya ang pamilya nito at ang mga kaibigan niya sa paghahanap at umaasa siyang magtatagumpay sila dahil hindi sila titigil hanggat hindi natatagpuan si Nathan.
Sa kabila ng mga nangyayari, may mga bagay pa rin na pinagpapasalamat si Abella at iyon ay ang walang humpay na suporta at tulong ng mga tao sa paligid niya. Hindi rin siya makapaniwala na tuluyan ng nagbago si Irene at dahilan iyon para gumaan ng kahit konti ang damdamin niya.
"Girl, mukha ngang nagbago na ang ihip ng hangin, bumango na," amazed na sabi ni Julio habang pinagmamasdan ang pinto kung sa'n lumabas ang
