MATAPOS ang trabaho ni Abella sa restaurant ni Neith, tahimik siyang lumabas roon. Hindi kasi siya nito maihahatid dahil may mahalaga itong aasikasuhin. Hinawakan niya ang lace ng bag na kaniyang suot. Napahinto siya nang biglang pumasok sa isip niya si Nathan. Nanumbalik sa alaala niya ang mga sandaling nag-hihintay ito sa paglabas niya at sasalubungin siya ng yakap at halik nito. Umiling siya para iwaksi iyon dahil kasabay ng mga alaalang iyon ang lungkot at sakit.
Nagpatuloy siya sa paglalakad, diretso lang ang tingin sa daan dahil pakiramdam niya saan man siya tumingin nandoon ang alaala ni Nathan.
Nang marating niya ang gilid na bahagi ng kalsada, huminto siya roon para mag-abang ng taxi-ng masasakyan. Lumingon siya sa magkabilang bahagi ng mahabang kalsada pero wala ni isang taxi r
