-MONICA EUNICE-
Kasalukuyan na kaming magkakasama lahat sa isang magarang silong na gawa sa dahon ng anahaw. Tapos na kaming kumain at nagpapababa na lang ng kinain. Magsu-swimming na rin kami maya-maya dahil ang baby ko ay hindi na makapaghintay. Excited na excited na talaga siya.
"Swim... ming! Swim! Swim!" Natawa naman ako ng hindi niya mabanggit ng buo ang salitang swimming.
"Mamayang kaunti, Mat-mat. Busog ka pa. Gusto mo bang sumuka?" Umiling-iling naman agad siya bago naupo ng maayos. Mukhang ayaw niya ngang sumuka. Napatingin naman ako kay Liezel na hanggang ngayon ay namomoblema pa rin sa rainbow. Hindi niya alam kung paano palalabasin ito kaya halos hindi na siya nakakain. Natatawa na lang ako sa kaniya. Masyado siyang seryoso. Ayaw na lang niyang pabayaan ang destiny sa mga
