-MONICA EUNICE-
Isang linggo na ang nakalipas at ngayon ay Monday na naman. Isang linggo ko na ring iniiwasan si Vincent at mukhang okay lang naman sa kaniya. Gumagawa na lang ako ng dahilan kay Mat-mat kapag hinahanap niya si Vincent. Napatingin ako sa unahan nang magsimulang magsalita ang teacher namin.
"Alam na naman ninyo na hanggang sa Friday na lang ang pasok, tama ba?"
"Yes! / Opo!"
"Sa Friday ay magkakaroon ng Christmas Party. Take note, formal party iyon at hindi basta-basta. Pabonggahan ng mga gown at suit. Magkakaroon tayo ng awarding. Katulad ng Best in Gown, Most Beautiful, at iba pa. Wala na tayong klase ng Friday. Pupunta na lang kayo rito ng alas-sais ng gabi at uuwi kayo ng alas-dose ng madaling araw. Malinaw? May tanong pa ba?" Tumaas ng kamay ang isa kong kaklase.
