"Ba't hindi ka na lang kasi dumaan sa main door, Eman?"
Walang kangiti-ngiti ang mukha ni Lara habang nakatitig sa kanya. Seryoso lang at inaantabayanan ang isasagot niya pero nababanaag niya ang concern sa mga mata. Luminga-linga pa ito sa gawing main entrance ng bakuran. Nag-aalala itong mahuli siya. Expected niyang dudugtungan nito ng paninermon ang sinabi ngunit tamang pagbuntung-hininga lang ang ginawa nito.
“Hintayin mo ako rito.”
Tahimik na nasundan na lamang niya ng tingin si Lara na pumasok muli sa loob. Ilang saglit lang naman itong nawala. Pagbalik ay bitbit na nito ang isang ecobag na sigurado niyang may lamang mga sisidlan. Humulma sa katawan niyon ang hugis ng mga sisidlan. Sa kaliwang kamay nito ay ang malaking balot ng itim na trashbag at iniabot sa kanya.
"Buhatin mo n
