“Nagseselos ka ba, Lar?”
Natumbok ni Eman ang totoo niyang nararamdaman pero tanga na lang ang aamin. Mabuti na rin at sumabay ang tanong nito sa pagbunghalit ng tawanan sa umpukan ng mga kaibigan. Walang nakarinig maliban sa kanya. Si Darwin naman ay pansamantalang may kinuha sa motor nito, regalo raw kay Aling Minda.
“Bakit naman ako magseselos?” Ang kaba ay pilit niyang naitago.
"Simula kasi nang naging kami ni…" lumikot ang mga mata nito, ibinitin ang sasabihin at baka may makarinig. "Ikaw pa rin naman ang best friend ko, Lar. Walang papalit sa 'yo."
Sumilay ang maliit na ngiti sa mga labi niya. Hindi niya malaman kung matutuwa sa sinabi nito. "Taas naman ng tingin mo sa sarili mo." Ang pinakamabisang depensa niya. Ayaw niyang magmukhang naghahabol ng atensyon. “Mabuti na ang masa
