Binisita niya ulit kinabukasan sina Ma’am Vera. Kapag may pagkakataon ay sinasadya niya talaga ang malaking bahay. Matanda na rin si Nana Berta kaya tinutulungan niya paminsan-minsan. Kapag wala siyang orders for desserts ay sa malaking bahay siya tumatambay. Yayayain niya ngayong ipasyal naman si Sir Greg, total ay gawa na ang lumang kotse nito.
Iba lang talaga ang excitement niya pagkagising. Ang gaang ng pakiramdam niya. Parang may magandang mangyayari ngayong araw na ito. Pati isusuot niya ay pumili siya ng mas presentable. Imbes na ang kinasanayang jeans and shirts, isinuot pa talaga niya ang bestidang regalo ni Ma'am Vera sa kanya noon. Sleeveless dress na pinatungan niya ng mahabang sweater. Hanggang itaas ng tuhod niya lang ang damit at pinaresan ng signature doll shoes. Kapag nak
