“Ano ba ang ginagawa niya diyan sa labas?”
Buong akala ni Lara ay umalis na si Eman pero nanatili palang naka-park ang magara nitong kotse sa tapat ng kanyang tarangkahan. Hindi niya maaninag kung gising na ang tao sa loob.
Tumitig pa sa kanya at bahagyang tumango ang isang mama na nakaantabay sa gilid ng isa pang sasakyan. Nakakatakot ang kaseryosohan sa mukha nito. Bahagyang tango lang din ang naging sagot niya at umalis na sa gilid ng bintana.
Nakapaligo na siya kaya sinimulan niya ang paghahanda ng agahani. Dinamihan niya kesa sa karaniwang breakfast niya. Napapailing siya nang ma-realize ang ginagawa. Dinamihan na akala naman niya ay may kasalo siya. Pati na ang sikwati ay marami rin kesa kadalasan na inihahain.
Maya-maya pa ay sumilip siyang muli sa bintana. Naroroon pa rin sin
