Parang bumalik sa dati si Eman. Noong mga panahong basta na lang siya pinasakay ng nanay niya ng bus patungong Silay mula sa Sipalay. Walang kasiguraduhan kung ano ang naghihintay na buhay sa kanya. Ang labo ng lahat sa hinaharap niya.
Saan ba siya tutungo? Si Tata Cedro lang ang kilala niyang pamilya, ang nanay niya ay matagal na ring namayapa.
Pero aalis na lang ba siya nang hindi man lang nagpapaalam kay Isabella? Nahahati ang isip at puso niya. Napalingon siya sa eskinitang nilabasan. Sa daan patungo sa hacienda. Nakalabas na siya ng main road. Kipkip niya sa balikat ang school bag na naglalaman ng mga gamit na basta na lang isinalansan ni Lara para sa kanya.
Mabilis niyang pinara ang paparating na traysikel. Nagpahatid sa mansion ng mga Cordova.
Kahit ilang sandali lang. Gusto ni
