"Ano ito ha?"
Dumadagundong sa buong kabahayan ang malakas at maawtoridad na boses ni Greg Cordova. Kababakasan ito ng ‘di matawarang galit. Ang sa tuwina ay composed patriarch ay naguguhitan ng hindi maipintang galit hindi lang ang boses kundi pati na ang mukha. Salubong ang makakapal na mga kilay at namumula ang maputing balat. Kung ilang beses na itong nagpalakad-lakad sa sala ay hindi niya mabilang. Si Isabella ay panay lang ang iyak habang nakasiksik sa braso ng ina. Magkatabing naupo sa sofa ang dalawa at panay ang ginagawang paghagod ni Vera sa likod ng anak.
Huminto si Greg sa paghakbang. Huminto rin ang ingay na nilikha ng takong ng boots nito sa marmol na sahig. Binalot sandali ng nakangingilong katahimikan ang buong bahay. Napopoot na nakatunghay si Greg sa mag-ina. Habang nak
