Third Person POV
24 hours ago…
Mag-aalas-otso ng gabi ay nagulat si Manolo nang mamataang paparating si Jeany. Kanina pa nag-uwian ang mga empleyado at hinihintay na lang niya iyong karelyebo niyang dumating para makauwi na rin siya.
“Good evening, Miss Jeany! Gabi na ho, ah. Ano pong ginagawa ni’yo rito?” magalang niyang tanong kay Jeany. Medyo nagulat pa nga ito dahil ang buong akala niya ay iyong isang guwardiya niya ang naririto.
“May nakalimutan lang ako sa office. Kailangan ko kasi nang maaga iyon bukas. Kayo ho, bakit nandito pa rin kayo?” tanong nito sa kaniya at pilit na itinatago ang pagkagulat.
“Oo nga. Ang tagal dumating ni Manuel, eh,” sagot naman niya. Tumango lang si Jeany.
“Sige ho. Pakibukas na lang para makuha ko na iyong kailangan ko,” utos naman ni Jeany sa kaniya
