Rossa’s POV
Nagising ako na wala na sa tabi ko si Romano. Bumangon ako pero bigla akong nahilo kaya nahiga akong muli at pumikit para patiningin ang pagkahilo ko.
Ilang minuto pa ang lumipas bago umayos ang pakiramdam ko. Ngunit kasunod niyon ay biglang umasim ang sikmura ko. Kaya napatakbo ako sa banyo at sumuka nang sumuka.
Hindi ko alam kung gaano ako katagal na naroroon pero hinang-hina ako pagkatapos. Pawis na pawis ako at umiiyak. Hiningal pa ako dahil sa pagsusuka ko. Dumiretso na ako sa pagligo dahil baka mas guminhawa ang pakiramdam ko.
Nang makabihis na ako ay bumigat ang pakiramdam ko, kaya nahiga akong muli. Ngunit hindi pa ako nagtatagal sa pagkakapikit ay bumukas ang pintuan ng kuwarto namin.
“Good morning po, Ma'am,” nakangiting bati ni Maya. Kasunod lang niya si Yoly n
