NYX ARIANE'S POV
Agad na napadilat ako nang malakas na tumunog ang alarm clock sa bedside table. Wala sa sariling bumangon ako at nakapikit at tinatamad na lumabas ng kwarto. Nag-iinat pa ako hanggang sa makalabas ng kwarto.
Dumilat ako para magtungo sa kusina at magluto ng kahit na anong breakfast. Humikab ako at nagulat nang biglang bumukas ang pinto ng kabilang kwarto.
Inuluwa nito si Vodie na sapo sapo ang ulo at walang damit pang-itaas!
Napatigil ako sa paglalakad at ganun din sya. Kumunot ang noo nya nang magtama ang paningin namin. Luminga ito sa paligid at binalik ang tingin sa akin. Naglakbay ang tingin nya sa katawan ko at agad ding nag-iwas ng tingin.
Napatakip ako sa dibdib ko nang maalalang nakasuot lang ako ng manipis na spaghetti strap!
"Uh.."
"Ahm.."
Halos sabay kam
