حماتي ولا عقربة

في البداية لابد أن لكل بداية بداية الحياة صعبة ييسر صعوبتها رفيق وسند وعون دائم في الحياة يجعلنا نتخطي كبائر الأمور وكأنها هوامش أو فراغات لم تحدث وتمتلئ بداية بدايتي يجب أن اعرفكم بأسمي ومن اكون لكن دعونا نتحدث بعاميتنا المصرية الجميلة والخفيفه انا ساره عندي 23 سنه من صعيد مصر بلد صغيره كدا في قنا معايا دبلوم تجارة ومكملتش تعليمي لأن أهلي زي ما بيقولوا أن التعليم مش هينفع البنت لان البنت آخرها لبيتها وجوزها إنما التعليم دا للولاد بس عاوزه اقولكم إن 23 سنه دا رقم كبير وفي نظر بعض نساء قريتنا الجميلة اني بقيت عانس او يعني علي حواف العنوسه وشايفين أن سبب رفضي الزواج غير منطقي وأن دا دلع وكلام فاضي ايه يعني لما جارتنا الي متجوزه من اسبوع جوزها ض*بها لغاية ما اتعورت عشان ردت ع أمه وقالت لها انها مش هتقدر تنزل تخدمها من الساعه السادسه صباحا ودا لانها عروسه جديده لسه وبتنام متأخر لما جوزها بيرجع من الشغل حماة البنت اخدت الكلام حرفته وقالت لابنها أن مراتك مش عجباها عيشتنا وا**رلها ايد ولا رجل عشان تتعدل ولا ايه يعني لما بنت خالتي كل يومين تروح بيت اهلها زعلانه بسبب جوزها سليط ا****ن الي كل كلمة والتانيه يسبها ويسب أهلها ولا شهد صحبتي الي اتطلقت بعد ثلاث سنوات عذاب من أمه وهو مسافر وبيرجع كل سنه شهر وأمه حرفيا استعبدتها هما شايفين أن كل البيوت بيحصل فيها كدا عادي وان كل الرجال بيض*بوا زوجاتهم وان مش منطقي اسيب بيته واروح بيت اهلي عشان شتمني لأن كل الرجال كدا وكمان مش منطقي أن بنت تطلب الطلاق علشان حماتها صعبه شويه وبخيله شويتين وحشريه جدا دعوني أخبركم فقط أن غالبية امهاتنا في الأرياف ولدوا علي هذا وتربوا عليه لا يأمنون بحقوق المرأة وان لها كل الحق في أن تنعم بحياة كريمة هادئه طيبه حق كل فتاة أن اهانها الشريك أو تمادا معها أن تجد من يساندها أن يكون لها أبا يهد الكون لأجل دمعه من عيونها لكن للاسف السائد هو كلمات تقع علي اذانها ك كرباج يجلدها تحملي .. ليس لد*ك أي اختيار الا التحمل .. كل الازواج هكذا احاول أن اتناول معكم في كلماتي قضية مهمه في مجتمعنا ولا أقول إن كل مجتمعنا هكذا لكن مازال هذا الفكر سائد وموجود بشكل كبير اود في كل فصل أن اقص عليكم قصة أو عقدة أحدي النساء ونناقشها لكن قبل كل هذا فالنعود سارة نعم لي انا اتقدم لخطبتي ابن عمتي شاب يحصل في داخله علي نصف محصول السماجه بالعالم ويظن نفسه أنه هكذا علي حق يري نفسه خفيف الظل رغم ثقل حضوره اسمه هشام قالتلي لي امي إن عمتي نعمة وابنها هشام سوف يأتون للعشاء اليوم فأبي دعاهم كنت أعرف أنه قد اتي لخطبتي فهو بالنسبة لاهلي لقطه يعمل في أحدي دول الخليج وقد استطاع أن يجمع مبلغ من المال وفي نظرهم جاهز من مجاميعه كلمة جاهز من مجاميعه دي منتشرة في عاميتنا أجل فالنعود للهجتنا واحدثكم عن العشاء الظريف حضرت مع امي العشاء ودخلت غرفتي قعدت اقرا روايه بحبها فجأة اقتحمت عمتي الغرفة من غير ما تخبط أو تستأذن تبادلنا السلامات والحقيقة اني وجهي كان باين عليه اني مستاءه من الموقف دا جدا جلست علي طرف السرير وامي كانت معاها قعدت علي كرسي في الزاويه وبدأت عمتي في الكلام عندي مفاجاه ليكي يا ساره قلت لها خير يارب قولي يا عمتي وكان علي وجهي علامة اللامبالاة وهي لاحظتها قالتلي هشام ابني كلمته عنك واقنعته وناوي يخطبك اهو برا قاعد مع ابوكي _ هشام ايه بس يا عمتي هو انا اعرفه دا كان مسافر وبعدين ايه اقنعته دي " اه اقنعته مهو قدامه البنات الصغيرة كتير لكن أنا قلتله أنك اولي واهو يشوفك كدا ونشوف _ يشوفني ونشوف لا خليه في البنات الصغيره وبعدين انا مش كبيرة ردت امي وهي بتبصلي نفس بصة اي ام لما تكون متضايقه قالت طب بس اقعدي معاه واتكلموا ونشوف ردت عمتي علي امي " ايه نشوف دي هو انا ابني فيه حد يقدر يرفضه دا ابني مليون واحده تتمناه قالتلها امي يا حبيبتي انا مقصدش انا بس بقول يقعدوا مع بعض وبعدين نكمل كلام وبعد جدل كبير جدا اضطريت اني اقوم معاهم وغصب عني اقعد مع هشام لأن ما باليد حيلة أمام إصرارهم خرجت برا كان هشام قاعد مع بابا اول ما شافني بصلي وابتسم وظهرت أسنانه الي تدل علي أنه مبيغسلهاش من يوم ما اتولد هشام طويل نحيل مائل للسمار هيئته باستثناء أسنانه مقبولة لكن كشخصية غير مقبول بالمره سلمت عليه _ازيك يا هشام حمد لله على السلامه  ازيك يا سارة يا بنت خالي الله يسلمك يارب _ انا الحمد لله بخير قعدت مكاني جنب بابي وماما وعمتي بيبصوا لبعض ويبتسموا كأني وافقت مثلا او قاعده مع نجم بوليوود مش هشام ماما وعمتي طلبوا من بابا يقوم لأنهم عاوزين يكلموه في موضوع مهم جدا جدا وبعيد عن الولاد الي هما انا وهشام قعدت انا وهشام وبدأ بالكلام _ ازيك يا ساره  الحمد لله بخير وانت _ انا الحمد لله زي الفل .. امي قالتلك انا جايلك ليه  اه قالتلي بس انا عاوزه اعرف منك انت جاي ليه  اتقدملك  عاوزه اعرف السبب .. اسمعني انا يعني _ والله امي قالتلي إن بنت خالك اهي قاعدة وهتوافق علي طول وكمان خالك مش هيبقاله طلبات كتير .. وكمان يا سارة انتي حلوه  يعني انت جاي تتقدملي عشان أنا اهو قاعدة وبابا مش هيضغط عليك في الطلبات _ لا مانا قلتلك عشان انتي كمان حلوه  اه نسيت عشان انا حلوه _ واهو بدل قعدتك دي وانتي قربتي علي الخمسه وعشرين وانتي عارفه أن معندناش بنات بتقعد للسن دا  طيب ما تسيبك من الي قربت ع الخمسه وعشرين وروح خد واحده تناسبك .. هو انت كام سنه يا هشام _ انا ٣١  طيب هو انت ناوي ع ايه في حياتك بعد ما تتجوز _ والله انا هتجوز واقعد شهر وبعدين هسافر تاني  طيب والبنت الي هتتجوزها _ اهي تقعد مع امي تخدمها وتشوف طلبتها  الي هي ايه طلبتها _ تكنس وتمسح وتغسل وتنضف البيت تأكل الطير تنضف البهائم ... ومتقلقيش لو مبتعرفيش تعملي حاجه من دول امي هتعلمك  يعني انت هتتجوز واحده شهر واحد وبعدين ترميها لامك وتسافر وهي تشتغل خدامة لامك في غيابك وكمان خدامة للبهايم بتاعتكم _ الله .. وفين المشكله يا ساره متكبريش الموضوع اومال  لا انا مش هكبره انا مش هقدر افكر فيه اصلا .. بعد اذنك داخله اوضتي عشان ارتاح شويه أو عشان انسي كلامك دا خالص سيبته ومشيت وانا متضايقه جدا من كلامه وأسلوبه ضغط اعصابي بكلامه وتلميحاته كمان الي لسه هسمعه من ماما وبابا وكمان عمتي والدوشه الي هتحصل في البيت ومع ذلك هحاول احافظ علي هدوئي بعد دقيقتين سمعت صوت عمتي بتقول احنا اتهزقنا في بيتكم وكدا عيب هي مفكره نفسها ايه ولا مين دا قربت ع الخمسه وعشرين يعني عانس انا ابني ميترفضش انا ابني تتمناه ست البنات انا غلطانه اني قلت بنت اخويا أولي كنت حاسه ان نفسي اطلع أخرج فيها طاقتي كلها لكن ضيع الاحساس دا رد بابا الي لما سمعته اتخضيت من المفاجاه مكنتش متخيلة دا بصراحه خصوصا إن عمتي دي اقرب حد ليه قالها بصوت عالي وزعيق انا بنتي يتمني ضفرها احسن راجل في الدنيا بنتي مفيش حد زيها ومعنستش ومش هتكون عانس وانا مش هوافق اجوزها لواحد شايف أنه بيمن عليها بدا وبناقص منك ومن ابنك لو بنتي مش راضيه ومستريحه خرجت من اوضتي جريت علي حضن بابا وقبلت أيده وحضنته وشكرته أنه واقف معايا تبت أيده علي كتفي وقالي انتي احسن بنت في البلد والف واحد يتمناكي ومحدش يقدر يغصبك ولا يقول عندك انك عانس ولو بقا عندك حتي خمسين سنه طبعا عمتي غضبت جدا وكشرت وقالت له مش داخله لك بيت تاني ومشيت بصيت لبابا وقبلت أيده تاني وقلتله والله يا بابا كلامه كان وحش في حقي و.. قالي متكمليش انا كنت سامع ومش عاوزه المهم انك تكوني كويسه ومرتاحه كلام بابا ريحني اووووووووووي حسسني بأمان دخلت اوضتي وانا بفكر في أول مشكله هشاركها معاكم وهي مشكلة مروة جارتنا هي مش مشكلته مروه بالتحديد لكنها من علي ل**ن مروه هكتب المشكله وبعدين هقول رأيي مروة بتقول خطيبه اخويا فضلت سنتين كويسه بتعامل مأما زي الفل مفيش بينهم اي مشاكل وبتتقبل اي حاجه من ماما بدأت دلوقتي بتعامل امي وحش جدا و عملت معاها مشكله من الهوا حرفيا حاجات فعلا تافهه و محدش فاهم ايه سبب المشكله اخويا مبيقولش اي حاجه ساكت وبس بس باين عليه الزعل وواخد جنب من ماما و امي بتقول دي اتعصبت عليا لوحدها و مقولتلهاش حاجه و الموضوع وصل لصريخ في التليفون وماما فضلت تزعقلها جامد و ام البنت اتدخلت و قالت لامي كلام رخم جدا زعل ماما وخلالها عاوزه الجوازه دي متتمش طبعا مقالتش لاخويا كدا بس احنا فاهمين كويس الموضوع بعد وقت طويل عدا ع الخلاف بينهم قولنا لاخويا ان عيب و لازم خطيبتك تيجي تصالح امنا لانهم مقاطعين بعض خالص وكدا عيب وتعتبرها زي امها وتحاول تراضيها لكن مينفعش تفضل كدا لاقينا اخويا بيقول انها بتشتكي من ان ماما بتقارنها و بتميز مرات اخويا الكبير عنها و بتقوله امك ليل نهار بتسم بدني و تعايب عليا و تمدح في مرات اخوك ومبقتش بتقول حاجه في كل مكالمة غير تتعلمي من سلفتك .. شوفي سلفتك شاطرة ازاي دي اجدع منك دي شيلانا ع دماغها ماما طبعا أنكرت كل دا و قالتله ان ده محصلش و البت مألفه كلام كتير جدا علي ل**ن امي مستحيل تكون امي قالته و اخويا مصدقها جداا وبيقول انا سمعت مره ماما بتكلمها وقالت لها كلمه شبه كدا وقالت لي أنها بتهزر ومتقصدش و ماما قالتله انها بيصعب عليها بس مرات اخويا الكبير بس عشان هي باباها متوفي و عاشت طول عمرها يتيمه غلبانه منغير اب واتربت علي أيدينا وعرفنا نشكلها زي ما احنا نحب انما التانيه ماشاء الله شكلها اهلها مش حارمنها من حاجه و كل شويه لبس و سفر و جهازها يجهز ٤ بنات والله العظيم و عايشه عيشه فوق الممتاز طول حياتها فطبيعي ماما ترفع من شأن مرات اخويا التاني اكتر عشان البنت متشوفش نفسها زياده عن لازم علينا ولا تفكر نفسها احسن واحده ولا تحس انها احسن مننا وتعرف أن العز الي عائشة فيه دا عند اهلها بس إنما احنا لازم تنزل تخدم تحت زي زي سلفتها دلوقتي الغلط من مين و امي قالت مش ومش هحضر له فرح ومش عاوزه اشوف وشها تاني ولو ابني عاوز رضايا يسيبها وانا اخطبله ست ستها و شكل الجوازه هتبوظ و لازم البنت تيجي تعتذر لامي و البنت بتقول انا مغلطش عشان اعتذر وانت تعبتوا نفسيتي وخلتوني مبقتش اثق في نفسي وبسبب كلام مامتكم انا عيطت كتير ومبقتش هقدر استحمل اكتر من كدا و كلام كله افتراء علي امي و اخويا ليل نهار مكتئب و مبيكلمناش بسببها منحاذ جدا لصفها وبيقول مش هسيبها وهتجوزها مع العلم ان مش اول مره تحصل مشكله وهي علي طول بتسخنه علينا كدا و كل مره امي بتستحمل عشان خاطر اخويا و مت**رش فرحته بس المرة دي ماما رافضه نهائي وقالت يا انا يا هي يا أما تيجي هي وامها يعتذروا لما يتناقش مع ماما قالتلي إن لازم ن**ر عينها من الأول عشان متفكرش أن هي أحسن لازم نفسها تكون م**ورة .................. مامت مرة من الحموات الصعبين جدا هما جيرانا وبنشوف ازاي بتعامل مرات ابنها الكبيرة دي بتخليها تطبخ وتكنس وتمسح يمكن كل دا عادي لكن كمان بتخليها تنضف مكان الطيور الي مربينها وتعجن وتخبز بتروح السوق لوحدها وبتحاسيها لو في جنيه ناقص كل الحاجات دي ممكن بعض الناس يشوفوها عادي لكن دايما بتقولها هو انتي ليكي اب ولا اخ حتي انتي تقعدي تخدمينا وتعملي بلقمتك وخلاص لما البنت دي طبخت في شقتها مره حماتها وقفت تحت في الشارع وفضلت تشتمها وتزعقلها بدرجة أن كل الجيران قلولها عيب وايه يعني لما تطبخ الرد بتاع الست دي علي الناس كان صادم قالت هي معندهاش حاجه تطبخها دي ابوها ميت ومحدش بيجبلها حاجه وانا منبه علي ابني ميجبش فوق حاجه يبقي جابت الاكل منين دي اكيد سرقته البنت صعبت علي ماما جدا لما انهارت في العياط وجبتها عندنا كانت عماله تحلف أنها ملحقتش تتغدي تحت من كتر شغل البيت وان جوزها هو الي جاب لها الاكل دا امبارح وهو راجع من الشغل عشان قالتله أنها بتبقي جعانه ومبتلحقش تاكل وان حماتها بتخبي الاكل قالت جوزي جاب الاكل دا عشان العيال اكتر ما هو عشاني حماة البنت دي ست صعبة جدا ومتتعاشرش هي مبتقبلش علي بنت من بناتها أن حد يعاملهم وحش  زوجة ابنها سكتت واستحملت كم الإهانات دي علشان ملهاش أهل ياخدوا حقها وزوجها ضعيف الشخصية قدام أمه لكن خطيبة ابنها ليها اهل ومش حارمينها من اي حاجه عشان كدا مش لاقيه طريقة ت**ر بيها البنت ونفسها خطيبة الابن لو معملتش وقفة لكل دا هتبقي فريسه للحماة وهيعملوا فيها اكتر من كدا بس ابنها المره دي مش زي اخوه وعنده شخصيه وهينتصر لها وواجب علي الام الاعتذار .............. فيه في حياتنا شبه زوجة الابن الكبيرة والخطيبة والحماة الي شايفه انها مهما عملت فهي كدا طبيعيه ودا لازم يحصل لاي زوجة ابن أنها تلغي شخصيتها وتكون هي المسيطرة الوحيده في الموضوع أن تكون هي صاحبة الكلمة الأولي والأخيرة أن تكون هي الأمر والناهي لكل شي في البيت تكون حياة البنت تحت سيطرة الحماة وياحبذا بقا لو الابن كمان مالوش شخصية أمام أمه ومبيدافعش عن زوجته ورده الوحيد لكل أفعال أمه هو معلش دي امي هعمل ايه يعني بتكون هنا الحماة فارضه سيطرتها اكتر والبنت بتفضل تقول معلش استحمل الي أن يأتي الوقت وتتكلم وتستكفي مش كل الحموات كدا ابدا في حموات بيكونوا اطيب واحن من الأمهات ........... مشكله تانيه ودي ل سمر اخت هند صحبتي بتحكيلي هند عن ل**ن سمر قالت حماتي ل**نها سم بتعيب علي كل حاجه فيا شعري لون بشرتي شكل جسمي وحتي صوتي ولبسي وديما تقارني ب سلفتي بتقولي شوفي شعرها ولبسها بتقارن في كل حاجه حرفيا حماتي موتها وسمها انها تشوفني بدرس او بشتغل مع كل دا انا لسا متجوزه من ست شهور امنيه حماتي ابقي خدامه ليها لكل اللي في البيت فا بالتالي بتقلل مني ومن شغلي ومن دراستي حماتي غيرانه علي ابنها مني كانها زوجته الاولى مش امه ولو شافت او عرفت انه جاب ليا حتي شوكولاته بتزعل منه وتقوله مجبتش لينا ليه ولو جابلي هديه وهي عرفت بتفضل تزلني بيها وتقولي داحنا مغرقينك هدايا وتقولي دا بيصرف عليكي الي متحلميش بيه مع اني مبكنش طالبه منه يجيب لما بنبقي عندها تحت لو قالي يا حبيبتي مثلا بتكشر في وشه لو هزرنا سوا بتخليه يقوم يعمل اي حاجه حماتي وقت الخطوبه كانت عارفه اني بشتغل عشان اساعد بابا في الجهاز ومصاريف الدراسة كانت بتعايرني وتقولي اهلك مش عارفين يجهزوكي ولا يصرفوا عليكي وكل الي بتعمله وتقوله دا بتعمله بيني وبينها بس مش قدام اي حد وقدام الكل بتكون الحماة المثاليه فبالتالي لما اشتكي لزوجي مبيكونش مصدق وانا مبكونش عارفه اثبت ازاي بتقول عن ل**ني كلام مقلتوش ولو سألتها تقولي محصلش ومقولتش لو اخدت منها جنب تشتكيني لابنها وتبكي ولما ارجع اكلمها ترجع تعمل نفس الحركات تاني وانا نفسيا بقيت بتدمر نفسي اكون مستقرة في حياتي نفسي حماتي تعاملني زي بنتها وانا وقتها هعمل كل الي يرضيها عندي احساس اني بقيت بطلب منها المستحيل انا بحاول اكمل واستحملت يمكن ربنا يهديها وتتغير وتكون احسن معايا ......... سمر بتعاني جدا جدا من تصرفات حماتها وكتير مننا استحالة يقبل علي نفسه كدا لكن هي اختارت تكمل اول سنه زواج المفروض بتكون السنه الي الزوجين بيبنوا فيها أساس حياتهم وبيحاولوا يفهموا بعض اكتر مش علاج لمشاكل الحماة وغيرتها علي ابنها وتصرفاتها الي تجيب مرض نفسي احيانا بعتقد أن بعض الناس دول بيحتاجوا علاج .............. نرجع لسارة لي انا دخلت اوضتي وانا بكتب المشاكل دي دخلت ماما _ ينفع الي عملتيه مع ابن عمتك دا + يعني يا ماما يرضيكي اوافق اتزوج واحد شايفني عنست ومش لاقيه حد _ طيب يا بنتي ربنا يهد*كي احنا نتصل بعمتك نصالحها  واصالحها ليه هو انا كنت غلطت فيها .. وبعدين يا ماما الموضوع انتهي _ يا حبيبة امك الموضوع منتهاش الواد ميتسابش ولازم نصلح الموضوع  يعني انتي عوزاني اصالحها واستسمحها تجوزني ابنها ..لا مش هعمل كدا وبابا قفل الموضوع دا وانا مش ه**ر كلمته _ ماشي يا ساره وانا ليا كلام تاني مع ابوكي الي قواكي دا --, ماشي يا ست الكل ......... صباح اليوم التالي استيقظت مبكرا احاول أن اكون نشيطه خرجت من غرفتي وكان ابي جالس علي الاريكه يحتسي كوب من الشاي بعدما تناول الفطور قبلت يده وجلست جواره واعتذرت له إن كنت سبب في أي خلاف بينه وبين أخته فأنا غير قاصده هذا قالي لي وهو يمسح بيده علي شعر أنه لم ينزعج مني ولي كل الحق في اختيار شريكي وان لم اقتنع بهشام فلا بأس سيأتي من هو افضل منه وإن هشام قد ظهر عليه بعض الغرور بعد سفره ولن يناسبني فعلا ارتاح قلبي بعد سماع كلام والدي فهو لم يظهر كم الحب هذا من قبل طلبت منه أن أذهب بعد ظهر اليوم لبيت عمي كي اجلس مع نورا قليلا ولن أتأخر في العوده وافق ابي وهذا اسر قلبي كثيرا ...... ذهبت بعد الظهر لبيت عمي وسلمت عليه وعلي زوجته الخاله فاطمه طيبه جدا جدآا وحنونه تحبني كأبنتها وتعامل الجميع بكل ود وحب قابلت نورا ودخلنا الي غرفتها لمجلس سويا ،، ايه الي انتي عملتيه دا يا بنتي مع هشام .. وانتي عرفتي منين انا عملت ايه ،، عمتي جت امبارح بليل وهي في قمة غضبها وحكت لبابا ومش هتصدقي ايه كمان .. ايه قولي ،، طلبت ايدي منه لهشام .. بس بابا رفض وقالها عيب تتقدمي لساره وترفض فتتقدمي لنورا عشان تغيظيهم دا مينفعش وميصحش .. وهي تقبلت الكلام عادي ؟ ،، لا طبعا اتخانقت معاه وقالتله اني انا كمان هعنس .. بس بابا تجاهل كلامها وحاول يهديها بس رفضت ومشيت بيني وبينك كنت مرعوبه لبابا يوافق علي هشام دا بس الحمد لله أنه رفض .. ماما كمان زعلت مني وكانت عوزاني اتصل اصالح عمتي وانا طبعا رفضت وهي زعلت ومش بتكلمني ،، يومين وهتروق وهتفهم أن هشام فعلا مش عريس مناسب ... هي ايه الدوشه الي عندكم برا دي ،، دا مهندس جاي ياخد المقاسات عشان البيت الي بابا هيبنيه في الأرض الجديده .. ماشاء الله يا حبيبتي الف مب**ك ........ قعدت معاها شويه وبعدها بابا اتصل بيا بيا وقالي أن كفاية كدا وارجع البيت قبل العصر سلمت عليها وخرجت وانا ماشيه نده ليا عمي وكان قاعد معاه المهندس سلم عليا وقالي ابقي قولي لابوكي يعدي عليا اخر النهار قلتله حاضر واستأذنت منه اني امشي ومشيت ورجعت البيت دخلت اوضتي بعد ما سألت ماما إذا محتاجه اساعدها في حاجه ورفضت دخلت وانا مش في بالي غير صورة المهندس كان وسيم وكانت نظرته ليا حاده معرفش ليه لفت نظري ليه نظرته ليا استعذت بالله من من الشيطان وحاولت أتجاوز عن الموضوع وخرجت شغلت التليفزيون وقعدت اتابع المسلسلات ... رجع بابا من برا وقمت حضرت الغدا مع ماما وقعدنا ناكل وقلت لبابا انا عمي طلب مني اقولك أنه تعدي عليه اخر النهار عاوزك وكمان حكيتلهم عن الي نورا قالته عن عمتي وأنها زعلت مع عمي بردوا ردت ماما وقلت احسن أنهم موافقوش دي كانت عاوزه تبين أن اي واحده في العيله هتوافق سهل بابا قال أنا هبقي اطيب خاطرها بكلمتين بس لما تهدأ وتنسي الموضوع دا ويعدي أو تشوف واحده لابنها وتخطبهاله سألت ماما بابا هو هيكون اخوك عاوزك يعني عشان كدا قالها يمكن ويمكن عشان البيت الجديده مهو بينا بالنص قلتله اه فعلا يا بابا كان فيه مهندس هناك وكمان عمال قالي اديني هروح ونشوف عملوا ايه ونشوف هنراضي نعمة عمتك ازاي كملوا اكل يلا وكفاية كلام في الموضوع ده انتهي الفصل الاول الاول