حماتي ولا عقربة

الفصل الثالث

كملنا اكل ودخلت اوضتي اكمل كتاباتي والي بتوجعني احيانا كتير لما بفكر شويه في مشاعر البنت الي حياتها بتدمر اوي كدا بعد ما تتجوز أو الأم الي ربنا بيبتليها بزوجة ابن سيئة الخلق تقسي الابن علي أمه أو الزوج الي قاسي بطبعه يبهدل زوجته معندوش مشاكل وشايف أنها رجوله كمان

اخدت وقت طويل في التفكير وعماله اقوله يا تري احكي ايه المره دي ومشكلة مين الي هتيجي علي بالي الاول

جت في بالي بنت اخت طنت فاطمه زوجة عمي

البنت دي بتعاني جدا ونفسيتها صفر ودخلت في اكتئاب بسبب زوجها واهلها

اسمها شروق اتجوزت وعاشت في القاهره

ناس كتير جدا كانوا بيحسدوها علي عيشتها من ناحية المستوي المادي وقد ايه زوجها ميسور الحال

نورا حكتلي عنها عن ل**ن شروق .. قالتلي

مشكلة شروق فيها وجع كبير شروق قالت

أنا بعت ولادي لابوهم بنتين وولد لأننا اتطلقنا هو هيعيشهم في مستوي كويس اوي شقه في كمبوند وشغاله ودفع مدارس وجبلهم اغلي واحسن حاجه اغلي واحسن اكل وعايشين كويس جدا جدا بيخرجهم وبيفسحهم بيدلعهم اخر دلع هيعيشهم الي مش هيعيش*ه هنا معايا عند اهلي فكرت كتير وفي الاخر قررت ابعتهمله بس انا بموت في اليوم الف مرة انا اتحايلت عليه انه يصرف عليهم ويسيبهملي اربيهم واهتم بيهم خصوصا ان البنات محتاجين امهم مرضيش ومش سبلي خيارات تاني كمان اهلي ضاغطين عليا جدا مش سيبينلي فرصه لا أخرج اشتغل ولا احاول اسعي في الحفاظ علي عيالي عيشة ابوهم احسن وفعلا هما عايشين كويس جدا مش منقصهم اي حاجه خالص والمشكلة انه دخل في دماغ البنات اني رمتهم وقطع اي اتصال بيني وبينهم مش عارفه اوصلهم ولا عارفه اكلمهم اتحايلت عليه كتير يخليني بس اكلمهم في التليفون رفض مش بنام مش باكل مش بخرج عياط اربعه وعشرين ساعه طول اليوم حابسه نفسي قلبي اتقهر من الحزن هموت علي ولادي خصوصا انهم عشر سنوات ٠ و٧ و٣ سنوات الولد هو أصغرهم صغير بس اعمل ايه مش عارفه اعمل ايه مش لاقيه حل فكرت أحدهم منه تاني بس اهلي رافضين فكرت اهرب بيهم لمحافظة تانيه بس وقتها هعمل ايه هصرف منين مممهما رفعت نفقه وقواضي مش هعرف اعيشهم كده عندي امل الاقي شغل واخدهم واعيش بيهم في اي مستوي كل مشكلتي هي اهلي مش عاوزينهم اساسا بحس انهم مش عاوزيني انا كمان اصلا بيقولولي ابوهم أولي بمصاريفهم الكلام دا كلام بابايا لان امي ست طيبه وبتحب ولادي جدا

انا مش عارفه اعمل ايه انا نفسي بس اسمع صوتهم حتي واقولهم اني مستغنتش عنهم وأنهم حياتي نفسي اشوف ولادي واحضنهم تاني

سبب طلاقي كان اني مبقتش مستحمله طليقي تاني

بقالي اثني عشر سنه بستحمل بقول بكرا يتغير بقول لما يشوف بناته بتكبر هيبطل الي بيعمله لكن هو زي ما هو مش بيتغير بيدمرني نفسيا وبس

ابو ولادي دا خاين