Lumipas pa ang ilang araw, naging magkapitbahay na nga sina Laureen pati na ang dalawang nag-iibigan. Kalauna'y umamin din sa kaniya ang dalawa na nahulog ang mga ito sa isa't isa sa unang pagkakataon na nagkita sila.
"Masaya ako para sa iyo. Mahalin mo si Kyra, ha? Huwag mong sasaktan... huwag mong hahayaang madurog ang puso niya. Alam mo naman kung ano ang ginawa sa kanya ni Lazarus, 'di ba? Kaya sabik iyan sa pagmamahal kahit na alam kong may takot sa puso niyang magmahal ulit," nakangiting wika ni Laureen kay Marvin.
"Oo naman. Seryoso ako sa nararamdaman ko para sa kanya. Sa katunayan, nagulat nga rin ako sa sarili ko. Nagulat ako kasi naranasan kong ma-love at first sight. Hindi kasi ako naniniwala sa ganoon. Pero ito na nga, nangyari na. At sinabi niya sa akin na ganoon din siya.
