"Uuwi ka na?" tanong ni Lazarus sa dalaga.
"Syempre, ano pa ba? Wala naman akong ibang pupuntahan eh. Diretso uwi," mabilis na sagot ng dalaga.
Tumikhim siya. Hindi naman talaga nagpupuyat o nagpapaabot ng madaling araw sa labas pero ngayon, hinintay niyang magsara ang bar na iyon dahil ihahatid niya ang dalaga.
"Anong oras ka nagigising?"
Tumaas ang kilay ni Laureen. "Bakit mo tinatanong, sir?"
Tinitigan niya ang dalaga diretso sa mga mata nito. Nakita niya ang bahagyang gulat sa mata ni Laureen. Napangiti siya.
"Gusto kitang yayaing kumain sa labas. Bawal kang tumanggi."
Biglang natawa naman ang dalagang doon. "Wow! So required pala ang pagyaya mo sa akin kung bawal pa lang tumanggi. Bakit mo pala ako gustong yayain, ha? May topak ka na naman, ba?"
Naiirita siyang tumingin kay La
