"Marvin?"
Laking gulat ni Laureen nang makita ang binata sa isang bar na katapat lang din ng bar nila. Nakangiti itong naglakad palapit sa kanya.
"Hi, Laureen! Waiter na rin ako dito. Maigi na para nakikita kita," nakangising wika ng binata.
Ang guwapo ni Marvin sa suot niyang pang waiter na uniform. Simple ngunit malakas ang dating. Kahit si Laureen, hindi naiwasang humanga sa ayos ni Marvin ngayon. Bagong gupit din ito kaya malinis tingnan.
"Kailangan ka nag-aapply? Ang guwapo mo ngayon. Walang halong biro. Hindi ka maduming tingnan. Hindi halatang batang ilog ka," ani Laureen sabay tawa ng malakas.
"Sabi ko naman sa iyo eh, lamang lang sa akin ng ilang paligo ang mga lalaki dito. Pero sa papogian, may panlaban ako. Kahapon ako nag-apply tapos tanggap agad. Kailangan na kailangan ng
