Limang araw ang lumipas simula nang manatili doon si Lazarus, nagamay na niya kung paano ang tamang pag-iihaw. Nalilibang siya sa kanyang ginagawa at tinatamad na ngang magtungo sa kanilang kompanya.
"Hoy! Bumangon ka na diyan! Anong oras na! Pumunta ka ngayon sa kompanya ninyo! Huwag kang tamad diyan!" nanlalaki matang sigaw sa kanya ni Laureen.
Tamad na tamad na bumangon sa kama si Lazarus. Kinusot-kusot niya ang kanyang mata. "Kikipie naman eh, ayokong pumunta doon. Nandoon naman ang dalawa kong kapatid na si Lovely at Lysander. Kaya na nila iyon."
Nanggigigil na nilapitan siya ni Laureen bago piningot. "Umayos ka nga! Umalis ka na lang dito kung tatamad-tamad magtrabaho sa kompanya ninyo! Pasabi-sabi ka pang handa kang bumayahe ng malayo tapos tatamarin ka? Sipain kita diyan tingnan
