"Purol!" Iyon na lamang ang lumabas sa bibig ni Arowana. Gulat na gulat kasi siya sa biglaang pagdating ng binatang Mangangayaw. Hindi niya na rin maitago ang saya na nandito ito ngayon, kahit na sinuway nito ang kanyang utos na tumakas na muna upang makahingi ng tulong sa iba.
"Mahal na Dian! Nandito na ako upang iligtas ka!" sagot naman sa kanya ni Purol. Nakapulupot pa rin ang mahiwagang latigong Buntot-Pagi sa katawan ni Kanlaon, na natumba sa lupa, kaya hinila ito ni Purol pabalik sa kanya. At dahil dito ay nasamang mahila si Kanlaon at muling iwinasiwas ni Purol ang Buntot-Pagi upang malabanan niya ang Bathala ng Bulkan. Nagawa niyang paikutin ng ilang ulit ang latigo ng Buntot-Pagi at dahil nasa dulo ng latigo si Kanlaon, kasama siya sa pag-ikot nito hanggang sa tumama na naman it
