Chapter 31
Huling araw na ni Alex sa Lost World para sa meeting na dinaluhan niya kasama ang mga miyembro ng konseho. Nais na nang mga ito na ayusin ang bahaging timog dahil naghahari na ang mga Black Wizard sa lugar na 'yon, hindi na mapigilan dahil na rin sa walang pagkakaisa ang mga Werewolves at Vampires. Nais pa ng ilang miyembro ng konseho na manatili muna siya sa Lost World hanggang sa maayos ang problema.
"Walang problema sa akin, ang gusto ko lang din ay ang kaayusan at pagkakaisa sa Lost World. Kung ano man ang magiging desisyon ng Hari ng mga Bampira ay susundin ko. Ayaw ko ng gulo." Si Jackson, ito ang Alpha at ang may pinaka mataas na posisyon sa mga Werwolves.
Humalukipkip si Alex at tumingin dito. Sinuri niya ang nilalang. Nakipagsukatan din ito ng tingin sa kanya at nang
