"Arix, anak ko," wika nito at bahagyang nanginginig ang boses.
"Papa ko." Ganun din ang boses ng kanyang tatay tsaka mabilis na lumapit ito sa kanyang lolo Apolinario.
Agad na nagyakap ang mag-ama at napuno ng pag-iyak ng kanyang tatay ang paligid noon lang niya nakita na ganun umiyak ang kanyang tatay na para bang bata na nagsusumbong sa kanyang tatay sa lahat ng pagod, sa lahat ng hirap na pinagdaanan nito.
Umiyak din ito ng namatay ang kanyang nanay pero ibang iba ngayon, kaya naman nabaghan ang kanyang puso. Awang-awa siya sa kanyang tatay lalo pa at nakita niya at nasaksihan niya kung gaano kahirap ang buhay nila para maitaguyod lamang ng kanyang tatay silang mag-ina.
Ang kanyang lolo naman ay umiyak din habang yakap yakap ang bunsong anak. Mararamdaman mo ang kasabikan ng da
