#رواية / #الصعيدي_والشقراء

#رواية #الصعيدي _و_ الشقراء #البارت _______ الاول #بقلمي ___________________ أشرقت شمس صباح يوما جديد على شرفة غرفته بإحدى القصور الصعيدية ذات الطابع الأثري ، و التي تدل على عراقة وأصالة هذه العائلة الثرية بإحدى مناطق الصعيد المتأصلة بعاداتها القاسية والصارمة والمتسمة ببعض نفائح الماضي الجميل اخترقت أشعة الشمس شرفة غرفته فحطت على وجهه ذو الملامح الهادئة والحادة في نفس الوقت فأيقظته و استيقظ بطلنا حسام على إثرها فورا و فور سماعه لحركة القصر المعهودة بكل صباح نهض على الفور مفزوعا و ذلك لمعرفته بقوانين ابيه الصارمة داخل المنزل و التي رغم غيابه الكثير عن المنزل لم ينساها أبدا فنهض حسام من على سريره و هو يتمتم : اصطبحنا و اصطبح الملك لله أنا كان مالي و مال الرجعة اهنيه بس ما نا كنت عايش بمصر لدراستي و حياتي اللي كانت فلة هناك الله يسامحك يا أبوي رجعتني تاني للصعيد و الأرض و خوتة الدماغ دي عاد وهو يكلم نفسه قطع ضيقه طرق خفيف عالباب : سي حسام سي حسام اصحى صلاح بيه صحي تحت بالمندرة و قاعد ويا عمك حاتم بييه و الست نجوى بتخبرك الفطور جاهز ما تتاخرش عليهم فحسام قالها : حاضر يا خالة عيشة نازل حالا أهو خمسة بس ألبس الجلابية و نازل وراكي علطووول و حسام دخل حمامه الخاص بغرفته ليغتسل و يغسل وجهه عالسريع و يتوضا لصلاة الصبح و خرج من الحمام و ارتدى جلبابه و مشط شعره امام المرآه و توقف قليلا و هو يتطلع بهيئته و أخذ يحدث نفسه و يقول و الله ما لابقلك الصعيدي واصل يا حسام يابن صلاح يا بن الحج منصور انتا عيشت حياتك كلها بالبندر و اخدت على جوها و عاداتهم و عيشتهم الفلة حسام بطلنا هو شاب بال٢٦ من عمره خريج بكالوريوس تجارة قسم إدارة أعمال هو شاب صعيدي قوي البنية طويل القامة إلى حد ما ذو جسد رياضي ممتلئ بعضلات بارزة نوعا ما ووذو بشرة تميل للبياض قليلا لكن عليها أثر الصعيد و قسوته و ذو لحية بنية خفيفة و عيون عسلية تعشقها كل عينا تراها فهو خليط بين نظرات الصعيدي الحادة و الشكل الذي يظهر صاحبه كأنه ليس من الصعيد ذو البيئة القاسية نوعا ما فهو المدلل و المحبوب من صغره هو و أخته فاطمة دلوعة و برنسيسة العيلة و التي تدرس بجامعة قنا بكلية العلوم الفرقة الأولى و لنا معها حكاية طويلة صبركم عليا بس . و خرج حسام من غرفته سريعا بعدما صلى الصبح و نزل على درجات السلم بكل خفة و تلقائية كأنه صبي ______________________ اول ما نزل عالسلم وجد امه بانتظاره ..... فقالها : صباح الخير يا ماما ..... ولا اقولك يانوجا يا قمررر انتا ..... راحت نجوى الأم قالتله : واه عاد قولت مية مرة يا حسام انا بحب اسمع منيك كلمة ياما ..... ماما دي بيقولوها بتوع البندر و بحري مش اهنيه .... و بطل بكش و امشي روح المندرة عند ابوك و عمك مستنيينك هناك من بدري .... روحلهم يالا لحد ما اجهزلكم الوكل و انادي عليكم ..... فنغزها حسام بجنبها و غمزلها? و قالها : انتا تؤمر يا جميل انتا ..... بس ماليش نفس افطر ياما ..... هاكل حاجة عالسريع و اسيبكم انتوا تفطروا و اروح انا للارض عند ولاد عمي ..... و نغزها تاني و غمزلها بعيونه مع رافعة حاجبه المضحكة? ..... فضحكت نجوى على خفة دم ابنها و فارس قلبها و فرحة عمرها .... و اخذت تتمتم و تقول : الواد ده البندر فسد اخلاقه و ضيع البرج اللي كان بنافوخه اه يا مرك ي نجوى اااه ..... و ابتسمت و هي بتدعوا بسرها ان يحميه ربه و تفرح به عما قريب فهو له حكاية كبيرة عن مولده ...... و تركها حسام و توجه نحو المندرة حيث يجلس ابوه صلاح و عمه حاتم ..... _____________________ و وصل حسام المندرة و خبط حسام على باب المندرة و دخل عطووول و قالهم : صباح الخير يا بوي ..... صباح الخير يا عمي ..... فناداه صلاح و قاله : تعالى يا حسام يا ولدي جنبي هنيه ..... فحسام قررب منه و قاله : جيت يا بوي اهو ..... تحت امرك خير يا حاج ..... حاتم الابن الثاني والاوسط ل منصور الشناوي و هو العم ل حسام و الاخ الاوسط ل صلاح الكبير ..... فقاله : ازيك يا حسام يا ولدي عامل ايه و مبروك البكالوريوووس يا باشمحاسب ..... راح حسام ابتسم و قاله : ده بقا ماجستير يا عمي قول دكتور بقا . والله يبارك فيك يا غالي ...... و قاله : احمد و عادل أخبارهم ايه يا عمي انا هانزل الأرض وحشوني قوي قوي والله ..... فعمه حاتم ضحك و قاله : ما يوحشكش غالي يا حبيبي هتلاقيهم بالاستراحة بالأرض حدانا ...... راح حسام قاله : طيب انا هامشي بالوقت اروحلهم و هارجع عالضهر يا بوي ان شاء الله ..... راح صلاح الاب قاله : مش هتفطر معانا يا ولدي ..... حتى عشان عمك عندينا ..... رد حسام : سامحني يا بوي ماليش نفس للوكل ..... هابقى اكل بعدين .... فابوه صلاح قاله بضيق وحنق : طيب بس ما تتاخرش عشان محتاجك بموضوع مهم يابني ..... حسام رد عليه و قاله : خيييير ..... موضوع ايه ده يا بوي ..... فرد صلاح و قاله : يابني لما ترجع عالدوار هاقولك عليه ما تستعجلش على رزقك عاد ..... يالا روح انتا بالوكيت ...... راح حسام قاله : ماشي يابوي ..... تعوزوش حاجة مني ..... انا هامشي يالا سلام عليكم ..... فحاتم قاله : وعليكم السلام يا ولدي ....... ____________________ وبعد ما خرج حسام و سابهم التفت صلاح لاخوه حاتم و قاله : خير يابن ابوي ..... مش عوايدك تيجي عالصبح اكده .... ! فحاتم قاله : فؤاد اخوك يا صلاح اتصل من بلاد الخواجات بالليل ..... راح صلاح اكتسى وجهه بالحزن و تمتم بحسرة ..... فؤاد ..... ؟؟؟ فحاتم قاله : ايوا فؤاد يا صلاح ..... مش هتحن عليه برضك و تكلمه ..... ده مهما كان اخوك ابن امك و ابوك ..... و انتا اللي كبرته و علمته ..... فصلاح قاله : و قد تملكته العصبية و الغضب و صرخ بصوت مبحوح غير مسموع إلى حد ما ..... حاتم ما تعيدش الموضوع ده تاني قدامي واصل ....مفهوم يابن أبوي ..... ؟ راح حاتم قاله : لا هاعيده ..... ده فؤاد اخونا ..... و انتا عارف حبه ليك كويس و دايما بيطمن عليك مني و بيسلم عليك في كل مرة نكلمه فيها ..... و عارفك كمان بتحبه و بلاحظ في عينيك ده اول ما بجيب سيرته قدامك .... راح صلاح اتكلم بغضب و قاله : انا مبحبش حد ..... و قولت ما تعيدوش تاني يابن ابوي عاد ..... و صرخ يا حاتم مش ده فؤاد اللي اول ما ابوه مات قال يا نصيبي وفين وعايز وخلع وسافر بره واتجوز من بنات الخواجات ونسينا طول السنين اللي فاتت ..... مش ده فؤاد اللي سابنا بعز ازمتنا مع عيلة وهران ..... و سابنا في عز ما أرضنا ومالنا كان هيضيع مننا لولا إن ابوك كان شايل قرشين وخدنا قروض وبعنا شبكة عرايسنا وانقذنا الأرض من ان ياخدها ولاد وهران ..... كل ده كان عارفه أخوك فؤاد واترجيته يقعد معانا ولما نحل مشاكلنا يبقى يروح ...... و مش ده فؤاد اللي طول عمري بحاجي عليه وباعتبره ابني مش اخويا الصغير رغم إنه أصغر مني ب ٨ سنين بس ... بس دايما باعتبره ابني مش اخويا الصغير ..... مش ده فؤاد اللي حلفت انك لا تعرفه ولا يعرفنا ...... ايه اللي غيرك بالوكيت يابن الحج منصور ...... ؟؟؟ راح حاتم قاله : اهدى بس و اسمعني يا صلاح ..... اخوك المرة دي جاي قنا بلا رجعة ..... و قالي هيصفي امواله و شغله و هيجيب عيلته و هيعيش هنيه من تاني ..... ! صلاح و قد اندهش من كلام أخيه و قاله : غريبة هو لسه فاكر ان ليييه أهل و ناس ..... طيب جاي لييه بعد كل السنين دي بقا ..... و ليييه قرر فجأة كديه انه يرجع ..... ؟ اكتسى وجه حاتم بالحزن اول ما سمع سؤال اخوه صلاح . فنظر له أخوه صلاح باستغراب ..... !!! مالك يا حاتم فيه ايه حيرتني معاك عالصبح ? ..... ؟ راح حاتم قاله : اخوك فؤاد عنده مرض خطير يا خوي و مالوش علاج و لا قدر الله بيقول خايف اموت بعيد عن بلدي و ناسي ..... فعشان كده قرر يصفي أمواله و يجي يعيش اهنيه الشوية اللي متبقيين من عمره ? ..... راح صلاح اتصدم من كلام اخوه ومسكه من يافة جلابيته و قاله : انتا بتقول ايه يا حاتم هاه بتقوول ايييه ..... ؟ ___________________ و نروح عند حسام منصور بن صلاح منصور خرج من البيت و شاور لمامته و هو خارج ...... باي يا نوجا اقابلك مع المغرب نتغدى سوى انا و انتي ...... فقالتله نوجا : اه منك يا مغلبني و شاورتله اياك تتاخر بره ..... و خرج من البيت و ركب عربيته ده حسام منصور من اكبر و اغنى عائلات الصعيد مئات الافدنة و سلطة و نفوذ و مصانع و مزارع و مشاريع فأكيد له عربية ملكه . واخد عربيته من جراش السرايا و خرج متوجها إلى الارض للقاء ولاد عمه اللي اتربوا معاه ووكبروا سوى .... و خرج عالطريق و هو فرحان و وصل الأرض و ركن عربيته جنب الاستراحة و قعد يزعق و ينادي على عادل و أحمد ولاد عمه ..... يا عاااااادل ..... يا أحممممممد ..... فعادل شاورله من بعيد ...... و أحمد خرج من الدرة مفزوع ايه في ايه مين هو حصل ايه ..... فقعد حسام يضحك على منظر ابن عمه الصغير طالب الثانوي ..... و قاله بتعمل ايه ياض عند*ك . __________________ ونرجع دوار ال منصور تاني ..... صلاح صرخ باخوه حاتم و قاله : انتا بتقول ايه يا حاتم يا خوي ...... ؟ حاتم رد عليه و قاله : زي ما باقولك كده يا خوي ..... وما رضيتش أبلغك و كنت متردد كتير أبلغك ..... لكن بيني و بين نفسي جيت اقولك عشان نسامحه سوى ..... فرد عليه صلاح و قاله : و قد تجهم وجهه و عيونه ذرفت دمعة ..... و نهض ممسكا بيافة جلباب اخيه ..... و بعصبية صرخ بوشه انتا بتقول ايه اخويا فؤاد مش هيموت اخويا هعالجه عند احسن الدكاترة بمصر دكاترة بره دول ما يعرفوش حاجة انتا فاهم اياك تقول كده تاني على اخوك ..... انتا تقوم تتصل بيه الوكيت و تقوله يجي حالا يا حاتم ..... فؤاد ما ييستناش دقيقة هناك فلوسي و ارضي كلها فدا اخوي فؤااااااد ..... راح حاتم قاله : انا ما قصرتش يا خوي ..... اتصلت بيه كتير و قولتله يجي مصر و نتصرف و نشوف هنعمل ايه ان شاء الله ..... فسمعوا صوت نجوى بتنادي من بره يا صلاح ..... يا حاتم .... الوكل جاهز با جماعة .... يالا تعالوا افطروا ..... لكن صلاح لم يرد ..... فرد حاتم عليها بدلا عنه و قالها : جايين أهو يا مرات أخوي ..... و قام مسك ايد اخوه و قاله : يالا يا صلاح نفطر بالوقت و بعدين نتكلم و حياة والد*ك ..... راح صلاح رد عليه و قاله : ما ليش نفس روح افطر انتا و ما تحسسهمش بحاجة واصل ..... فحاتم قاله : كيف عاد ..... كده انتا هتخليهم يحسوا و يسالوا ..... و حياة حسام لتقوم و حياة اخوك فؤاد قوم نفطر بالوقت .... و بعدين يحلها ربنا من عنده يالا ..... _____________________ و امسكه حاتم من ذراعيه و خرجو من المندرة ليتناولون الإفطار ..... فنادت عليهم نجوى و قالتلهم : الاكل جاهز يالا يا جماعة ..... فقاله حاتم : تسلم ايد*كي يا مرات اخوي ..... تاعبينك معانا يام حسام والله ..... راحت نجوى ردت عليه و قالتله : تسلم و تعيش يا حاتم يا خوي ما تقولش كديه تعبك راحة يا حما بنتي ..... و سألته : اومال فين زينب ما جاتش معاك لييه يا خوي .... و الولاد ما عادوش يجوا عند مرات عمهم اللي مربياهم قولهم زعلانة منكم و ما هتكلمكمش واصل ..... وبنفس اللحظة يجلس صلاح عالسفرة و ينظر للأكل و هو شارد في عالم تاني ..... حاتم رد عليها : و ده كلام يام حسام .... بالغدا هجيبهم و اجيلكم و تأديبيهم انتي بايد*كي .... راحت نجوى قالتله بحزن : هما ما عادوش صغار يا حاتم يا خوي ..... بس هما شكلهم لما كبروا نسيوا مرات عمهم ولا كلامي غلط يا ابو حسام و نظرت لزوجها فلقيته شارد و ما بياكلش ..... فنادته مالك يا ابو حسام ما بتاكلش لييه فيك حاجة يا خوي ولا ايه ..... فقالها صلاح : هاه لا ما فيش حاجة هاكل أهو يام حسام ..... فسألت.نجوى سلفها حاتم و قالتله : ماله اخوك يا حاتم .... ما كان كويس الصبح هو حصل حاجة قلبت مزاجه كديه ولا ايييه ..... فحاتم قالها : لا لا ما فيش حاجة يا مرات اخوي ..... و نادى اخوه و قاله : ما تاكلش ليه يا صلاح ..... ولا يرضيك امشي من غير اكل من عندييكم ..... فقالتله نجوى : و برضك ده كلام يتقال يا حاتم يا خوي ده بيتك و مطرحك ..... ده حتى حامد اخوي بيسلم عليك و جاي عزومة الغدا النهاردة و هيقعد معانا هو كمان اليوم ..... فحاتم ابتسم و قالها : يشرف و يآانس يا مرات اخوي ..... ده حتى واحشني ابن الحج عبد الهادي قوي رغم انه ما بيسالش عني واصل كأننا من بلد تانية ..... راخت نجوى قالتله : اسكت و جاي معاه كمان حافظ اخوي .... فصلاح و قد تجهم وجهه و تمتم حافظ ..... فنجوى بصت لجوزها و قالتله : يا صلاح حافظ والله كويس بس هو حبه للمال و السلطة نسته العشرة و الأيام الحلوة بس هو من جواه حلو ..... فرد عليها حاتم و قالها : ياريت يجيبوا الولاد معاهم كمان ..... نجوى قالتله بحزن لا قالوا المرة الجاية ...... وراحت سألتهم : هو أخبار فؤاد اخوكم ايه يا حاتم يا خوي ...... هو ما بيكلمكش يا حاتم و يطمنك عليه ..... ده من زماااان اوي ما سمعتش أخبار عنيه .... فصلاح تمتم بحزن و قال : فؤاااد? ..... فردت نجوى عليه و قال ايه : ايوا فؤاد يا صلاح انسى اللي فات عاد ..... قالتله كده ولا تدري ما الذي يحزن زوجها ..... فقالها حاتم : فؤاد كويس يا مرات اخوي ما تقلقيش ..... و هو بيطمنكم انه نازل مصر قريب ان شاء الله ..... راحت نجوى تقوله بصدمة من المفاجأة : ايه يا حاااااتم قولت ايه ? .............. ؟ ؟ ؟ ________________________ يا ترى صلاح منصور هيعمل ايه بعد اللي عرفه ده . و يا ترى فؤاد هيرجع مصر صح ولا لا و مين معاه ببلاد الخواجات و ايه حكايته و ايه اللي عمله و ايه نظامه بقصتنا . و يا ترى حسام و عادل وةاحمد هيعملوا ايه مع بعض و هل سيعلمون بقصة عمهم فؤاد دي ام لا و يا ترى مين حافظ رضوان ده و مين اخوه حامد و ايه حكايتهم و ليه صلاح ما بيحبهوش و مين زينب دي و ايه حكاية عمنا حاتم منصور احد ابطال روايتنا و يا ترى ايه حكاية نجوى رضوان و يا ترى هتعرف باللي حصل مع سلفها فؤاد ده أم لا و ما هي الوجوه الجديدة التي ستظهر معنا بحكايتنا . غكل هذا و أكثر هو ما سنعرفه في الحلقة المقبلة ان شاء الله تعالى فانتظرونااا و السلام عليكم و رحمة الله تعالى و بركاته . تحياتي الطيبة لكم جميعا ❤ .