البارت التاسع

1877 Words

البارت التاسع للحياة ثم وان تاه قلبي. وضلت خطايا وضاقت همومي بين الحنايا سأغمض جفني وأنسى البكاء وأدفن حزني كما يدفن الصبح ليل الشتاء لاني تيقنت أن الهموم تطول ولكنها لا تدوم وإن طال في العمر ليل العناء فظني جميل برب السماء السلام عليكم ورحمة الله وبركاته احبتي ومتابعيني في كل مكان الكاتبه حواء حواء .......................... علاء نايم وبسابع نومه بعد ما قضيت ليله ويه سونه الي ماعرف اشلون ارد جمايلهه برغم ماهيه منحله بس حبتني بكل مشاعرهه سالتهه كتلهه سونه انتي ليش ويايه هيج تصرفين ردت عليه وكالت بنفسي استقر وعيش حياة بعيده على الي عايشته بنفسي اكون اسره وبيت ورجال يغار عليه ويحتضني ويحبني علاء ليش هاي مسيرتج وحياتج العايشتهه بطول وبل عرض مالكيتي شخص يحبج وينتشلج من الانتي بي كعدت على حيلهه بعد ماكانت نايمه على ص*ره وكالت راح احجيلك وسولفلك والله شاهد عليه ما اكذب عليك بحرف واحد علاء وهوه يسحب نفسه وينتجي على الجربايه بضعية الجلوس وهوه يسحب جكاره وجداحه ويورثهه ويسحب نفس ويذبه وكال اي سونه اطربيني بكلامج كولي بس احب اسمع قصتج من البدايه سونه اني يتيمة الاب وامي اتزوجة ابن خالتهه بس مع كول اسف ابن خالتهه سكير وموخوش ادمي وكان فكر وحياته متعبه وكان يوميه يجي يطوطح ميعرف وميندل طريقه علاء وليش امج شجبرهه عليه ليش متعرف ابن خالتهه سونه لا كانت معايشه وياه وممتورجه عليهم وخالتهه قشمرتهه ورادت بس تخلص منه وذبته براس امي علاء وهو مضيق عيونه من الدخان ويباوعلهه بفضول وكال اي كملي سونه ايام وليالي من ضيمه نبات بدون عشه كانت تضطر امي توديني للجوارين اطلب منهم اكل اشويه اشويه لمن الناس صارت تتعطف علينه ودز النه الناس كانو يعرفوه سكير وميستحق بس كانو ينطونه لخاطري لان اني يتيمة اب وكانو حيل يتعاطفون ويايه كبرت صرت عمري بل ١٥ سنه صارت معالمي الانوثيه تبرز وبديت احله وصرت بعين الناس اكو ولد جيرانه هذا دائما اشوفه يسرح بيه من يشوفني وينضرلي نضرات تخبل كاي ابنيه بعمر مراهقه تشوف نفسهه محرومه من دلال واحد يسمعهه كلمه حلوه لو نضره تنسيهه تعب اوحرمان اسنين كنت اتلذذ بنضراته وكان يطيرني يحسسني اني اميره صارت علاقه وياه وكان يجيبلي شنو الاكله عليه ا**سوارات عطور ساعه مكياج فستان يعني ليكدر عليه علاء ليش هوه شكد عمره وشيشتغل سونه هوه عمره ٢٥ سنه يشتغل بفرن **ون يعني عيشته على كده علاء اي كملي سونه من كان يجيبلي هلا اشياء لازم يحب ياخذله بوسه او يشبكني او يسوي اشياء يرتاح بيهه بس بدون ان يدنو من عذريتي لان دائما يكول اخاف عليج. اني كنت بوكتهه طايره من الفرحه وهو كان دائما يكولي بان هوه يزوجني الى فديوم من الايام واعدني بمحل ابوه لان ابوه عنده محل قريب على الشارع قريب من صيدليه كان يبيع بي مواد انشائيه هذا المحل دائما ياخذني بي بعد ما ابوه يعزله ويه صلاة المغرب اني بهيج وقت كنت اتحجج واطلع اما للصيدليه او للخياطه او اروح اشتغل ويه جيران اساعدهه بلبيت وتنطيني اكل اجيبه يتعشون بي امي وزوجهه وهوه يبوك المفتاح من ابوه ومحد يحس بي علاء زين والمحلات بصفه اشلون نضامهن محد يشوفكم سونه لامحد يشوفنه لان المحلات كولهن يعزلن بهيج وقت لان واحد من المحلات تصليح صوبات وثاني نداف وثالث سباك بواري وكباله نجارين موبليه مال اخشاب فكلهم ذول يعزلون المغرب يبقه اشارع شبه الفارغ وصلت ولكيته كدامي التفتت يمنه يسره الى ان فتحت الكبنك ودخلت لكيت بيده مجله من مجلات الثقافيه الي كانت بذاك الوقت دائما عند الشباب الوسيله الوحيده الي يكدرون بيه يشوفون عالم الجنس برغم ما كان اكو فديوهات بس الفديو لازم جهاز وتلفزيون يالله يكدر يشوف بس المجله لا مال ناس بسطاء علاء...... اي كملي المغامره ست سونه سونه وهيه ذب حسره يا مغامره بربك هذي من ساعتهه وضاعت حياتي ودفعت الثمن والثمن غالي علاء اي سولفي شنو يعني سويتو سونه من راواني الصور بديت احس بمشاعر غريبه وهيه الرغبه لي بدون خوف وهذي اخطر مشاعر الي يمر بيهه الانسان لان راح ينصاع وره مشاعره صار اني وهو بموقف لانحسد عليه بده يتقربلي وهو م**ر ومسير تماما شاف امامه انسانه رخيصه وسهله وما وراهه رادع ولامطالب بحقهه اجرأ عليه واخذ عذريتي واني كنت مطيتهه اله بكول قناعتي بس من خلص وشفت الدم خفت وبجيت وحسيت شي ثمين انتزع مني بس بعد ميفيد الحجي هو من شافني ابجي حضني وراد يهديني كلي انتي ما منعتيني انتي شجعتيني عليج شفته خايف اكثر مني اخر شي كتله اشلون بيه راح انفضح كال لاتضوجين كولهه يومين وخلي امي تجي وتخطبج طلعنه نتختل من المحل مثل لي بايكله بوكه اني رحت قبله وهو بقه يقفل بلمحل حسيت واحد يمشي وراي كال شعندج جنتي بلمحل وشسووين اني من سمعته هيجي كال كمت ارجف وكلت راح انفضح ركضت منه وهو بقه يباوع برايه وتوعدلي ويكول وين ترحين مني الكفج الكفج صرت اسابيع ما اطلع اخاف من الحوليه لكونه هذا الولد بلمنطقه وزاد الطين بله كمت اشوفه واني من اجيب **ون او اطلع اروح لسوك او لصيدليه خذتلي فتره اتحجج ما اطلع بس شسوي اهلي متعودين يصخروني يعني شي عجيب عدهم من اكلهم ما ريد اطلع اخر شي وره فتره من الزمن شفت الدوره الشهريه كامت متجي عليه خفت ونجنيت شهرين ماكو بدت نفسي تلعب واموري مخربطه قررت اروح قصي الي هوه حبيبي رحتله وكتله لازم سويلي حل لازم تخطبني لحاصل فاتح اهله وأهله عترضو وتعاركو وياه ومن صارح اهله بلموضوع تخبلو وخوانه كاتلينه ومودينه على كرايبهم بديالى بعدو عن المنطقه والي بيهه مرت فتره اريد اخباره ماكو انكطعت اخر شي فديوم زوج امي كلهه اكو صديق اله مطلك مرته وطلب مني سونه شرايج ننطيهه اله امي كيفت وصارت تقنع بيه بان اوافق واني ابجي اشلون اوافق خفت اصارحهه بعدهه شفتهه هيه ورجلهه ماخذين قرار ويردون يزوجوني من خوفي انهزمت رحت لبيت اهل قصي ذبيت نفسي عليهم من شافوني تخبلو ولزمتني امه وشبعتني كتل اخر شي امي من الهبطه والفضيحه راسا صارت شلل من طردوني بقيت اخاف اروح للبيت بطريق شفت عزيز الي شافني من طلعت من المحل كلي شبيج تبجين اني بوقتهه يمكن شفته حبل النجاة بلنسبه الي سولفتله السالفه وشفته فرح وكال اي محلوله اني احلهه الج كال اعرف وحده شغل بنات عدهه ليش ما اوديج يمهه احسلج انتي لااهل الي راح يسالون عليج ولا سمعه باقيه شوفي مصلحتج الحاصل استغلني وباعني واخذ ثمني من الي باعني الهه وصلت يم باجي وداد الي الكول كان يسميهه بهل الاسم كيفت بيه ذبت الطفل مني سوتلي عمليه اجهاض وبقيت اشتغل عدهه هاي الشغله الطايح حضهه علاء وأهلج ماسمعتي اخبارهم سونه وره ٦اشهر سمعت امي ماتت وزوج امي كثرانه ديونه ومسجون علاء وقصي سونه بعد لاشفته ولا سمعت اخباره فيا حبيبي اني والاف مثلي احنه ضحية مجتمع لو الله منطيني اهل تحافظ عليه مثل الغير مصار هذا حالي علاء بس اكو ناس وضعهه اسوء من وضعج بس موصلت لهيج امور سونه صحيح اني اكولك اني الي ضيعت نفسي والسبب كان الحرمان الي عشته على كلن بعد ميفيد الحجي علاء زين ليش مزوجتي وستقريتي اكيد من الي شفتيهم بهذا المجال سونه وداعتك ردت واحد احبه ماكو ليعرض نفسه للزواج بس الشياب والي حلوين ونضاف يجي يتونس ويروح بفلوسه خو ميزوج بنت ليل علاء يعني اني شفتيني مواهل الج سونه علاء وداعت من جمعنه بغير ميعاد انت غير شكل انت حبيتك ومستعده افد*ك بروحي علاء سونه خلينه اصدقاء احسن اني اخر شي افكر بي الزواج سونه علاء اترجاك لاتشتغل ويه عبود تره عبود شغله يود*ك لجهنم بس انت محاس بروحك علاء وهو يذب حسره وكال ليش شترديني اشتغل مثلا دكتور هوه لمثل حالي يفكر بشي واحد بس هوه الفلوس والسلطه سونه والله خايفه عليك اني عندي ذهب وفلوس ازوجني واني افتحلك مشروع وشتريلك سياره وعهد عليه لا اخونك ولا اضوجك اهم شي تنطيني كلبك علاء وهو يكوم من فراشه بعد ما شال راسهه من كتفه وكال سدي الموضوع وخلينه هيج احسن اني احبج بس ما افكر بزواج علاء شربت مي وبقيت افكر من سمعت قصتهه ما ادري ليش صارت اختي كبالي رهف حسيت اختنكت وكلت لا شنو هل مقارنه طردت الافكار من راسي ونمت ساعه ٨ الصبح ودك الموبايل شفته عاليه خفت وكلت ياستار رديت عليهه بلهفه ها عاليه شكو راسا صرخت عاليه وكالت ولك علاء رهف انهزمت علاء من كالت انهزمت حسيت اطرافي ثلجت وعيوني كمت ماشوف بيهن وروحي راحت بس مع ذالك انتفضت من افراشي وكفت على حيلي وكتلهه عاليه شتحجين عاليه كعت الصبح ملكيتهه ماخذه ملابسهه ومهزومه ابعز وهول الموقف صار كدامي موقف سونه صرخت لايارب لاتخليني بهل موقف لاتخليني اقتل اعزاز كلبي بيدي رهف هاي روحي لا ماتسويهه عاليه بقينه الصبحيه كولهه مخبوصين ورضا يصيح وامه تصرخ وعلي الي نط من البجي واني ماعرف شكول وشاحجي رجع عليه رضا وموتني تموت وهوه يكول اكيد تدرين بيهه واني ابجي وتوسل بي وكوله والله ما ادري كال خابري اخوج اسالي من سالته علاء وكال مو يمي ايست ولطمت على وجهي واني ارجف خوف على اختي ماريد الهه هذا المصير الي معروفه نهايته هيه القتل ربع ساعه بين الخبصه والهوسه دخل علاء وهو عيونه تتطاير شرار وكال رضا اختي الي وصلتله من ايدك رضا بكل جبروت روح روح شوف اختك بيتمن تلكاهه احتمال انهزمت ويه صاحبهه علاء اش لاتكولهه اخت مسويهه وذا سوتهه اني اغسل عاري بيدي بعدنه دنحجي دك الفون مال رضا والمتصل خالي رضا تفضل الخال لاتفضل ولابطيخ بنت اختي عندي وما انطيهه لاتجي ولادوخ رضا وهو يرد عليه بعصبيه شنو عندك اليوم وين اتروح مني اموتهه الخال بنت اختي وانه اوله بيهه وسد الفون بجه رضا علاء وهوه يرجع الون بوجهه وكال يعني مهزومه بيت خالي عاليه محمود مشكور يارب ربي انت تدري بحالي رضا اني رايح اجيبهه وجي علاء وهو يصير بوجهه لا اني اروح اجيبهه رضا وخر من وجهي علاء لاوالله هسه اارتكب جريمه لاتتمرجل عليه هاي فوك عملتهه وخر من وجهي اسماعيل رضا اني جاي وياك وانت علاء تروح ويانه خلي انلم الموضوع لان عيب علينه تروح تسمع الناس وتكوم ازيد بلحجي رهف بعد ما طلعت من البيت رحت لبيت خالو لان كنت خايفه يزوجوني كوه ماريد ضياء حتى لو يموتوني وصلت بيت خالو وتفاجو بوجودي ودخلت ابجي بحضن خالو واني اطلب منه المعونه في سبيل يخلصني من ضياء ومن وضعي خالو بجه لحالي وكال خالو حتبقين يمي معززه مكرمه واني رضا اعرف اشون اصرف وياه بقه يهدي بيه وره ساعه سالني كلي اختج تدري بيج اهناه رهف بين ادموعهه كالت لاخالو محد يدري بيه عفتهم نايمين وطلعت الخال وهو متوتر لا خالو هاي طلعتج غلط مالازم هيج تتصرفين غير تنطين علم لختج هاي الطلعه محسوبه عليج طلع موبايله وخابر على رضا وكله من سمعت مكالمته ويه رضا وخالو صاير عصبي خفت اكثر وره ساعه ودكت الباب ودخلو علينه رضا وسماعيل وعلاء وعاليه الي جايه تركض وراهم والخوف تارسهه دخلت عاليه قبلهم وهيه تبجي وتكول ولج ليش هيج رهف تردين تصخمين وجهي رهف وهيه زاد بجيهه عاليه لاتلوميني انتي اكثر الناس تدرين بيه مضلومه وزايد ضيمي لاتلومين البيه مكفيني دخل علاء وعيونه تتطاير شرار فزت رهف ودموعهه بخدهه تريد تحضن اخوهه لان مشتاقتله وماتحس اله براشدي من علاء قوي بحيث وكعهه بلكاع وكال مع كول اسف عليج يابنت امي وأبوي ترديين تنزلين راسي لو تخليني للشمات ماكدر ادافع عنج زوجة الخال علاء مع كول اسف اشلون تض*ب اختك ولك اكبر منك تجاسر عليهه رهف فزيت من مكاني وراسا اجيت ارتميت بحضنه وبجيت وكتله انته تاركنه ومحاس بلي بينه اني محرومه من الاهل ومنك ومن حرية الاختيار ومن دراستي ..موتوني وخل اخلص بعد ما سمع علاء كلامهه رفع اديهه وحضن اخته وبوسهه من راسهه وكلهه ولج رهف لات**ريني بيج اني البيه مكفيني وجاي اسوي المستحيل على مود اعيشكم انتي وعلاوي وطلعكم من جبروت رضا بس اصبريلي رهف يردون يزوجوني لضياء الخميس علاء وهو يسحب نفسه من حضن اخته باوع بوجهه وكال اشلون منو الكال التقيكم غدا انشاء الله في بارت جديد واحداث جديده تقبلو تحياتي اختكم الكاتبه حواء دمتم في امان الله لاتنسون التعليقات والايكات فديتكم

Free reading for new users

Scan code to download app

App Store Google Play

Facebookexpand_more